Densaýlyq saqtaý ministrliginiń Meditsinalyq jáne farmatsevtikalyq baqylaý komiteti tóraǵasynyń orynbasary Nurlybek Asylbekov koronavirýske qarsy qandai sheteldik vaktsina óndirýshilermen kelissózder júrgizilip jatqanyn aitty, dep habarlaidy "Ult aqparat".
«AstraZeneca boiynsha kelissózder bolǵan. Biraq ol másele boiynsha belsendi kelisimder jasalǵan joq deýge bolady. Qazirgi tańda vaktsinalaý máselesi ózekti ekenin bilip otyrsyzdar. Bárimiz BAQ-tan kóz almai otyrmyz. Keibir eýropalyq elder vaktsinalaýdy ýaqytsha toqtatyp jatyr. Bul turǵyda biz belsendimiz. Keri áseri meilinshe az dármekter boiynsha kóbirek kelissózdar júrgizýdemiz», - dedi Nurlybek Asylbekov.
Ol, sondai-aq, qazir Pfizer, Moderna, Sinovac, Johnson & Johnson siiaqty birneshe vaktsina boiynsha kelissózder júrip jatqanyn atady.
«Buǵan deiin biz bul týraly aitqanbyz. Biraq ol kelissózder jasyryn júrip jatyr deýden aýlaqpyn. Naqty qashan jetkiziletini týraly jáne baǵasy boiynsha keiin bólek aqparat bolady», - dedi komitet ókili.
