Memleket basshysy Qasym-Jomart Toqaevtyń el astanasyn Nur-Sultannan Astanaǵa ózgertý týraly Jarlyǵy dúisenbi, 19 qyrkúiekte resmi "Kazahstanskaia pravda" gazetinde jariialanyp, kúshine endi, - dep habarlaidy "Ult aqparat" Tengrinews.kz agenttigine silteme jasap.
Toqaev senbi, 17 qyrkúiekte "Qazaqstan Respýblikasynyń astanasy - Nur-Sultan qalasyn Astana qalasy - Qazaqstan Respýblikasynyń astanasy dep qaita ataý týraly" Jarlyqqa qol qoidy. Jarlyqtyń mátininde onyń alǵashqy resmi jariialanǵan kúninen bastap qoldanysqa engizilgeni atap ótilgen.
Sonymen qatar, dúisenbi kúni resmi baspasózde buǵan deiin Prezident qol qoiǵan jáne alǵashqy resmi jariialanǵan kúninen bastap kúshine enetin Konstitýtsiiaǵa ózgerister men tolyqtyrýlar engizý týraly zań jariialandy. Túzetýlerdiń birinde Qazaqstannyń astanasy Astana qalasy bolǵany da bekitilgen.
