Elordanyń qoǵamdyq densaýlyq saqtaý basqarmasynyń basshysy Sáýle Qisyqova koronavirýs juqtyrǵan adamdardyń kúrt ósip ketýine bailanysty qalada tótenshe jaǵdai jariialanýy múmkin be degen suraqqa jaýap berdi, dep habarlaidy Sputnik Qazaqstan.
"Biz qazir virýs juqtyrǵandarmen bailanysta bolǵan adamdardyń sanyna taldaý jasap jatyrmyz. Aýrý, negizinen, syrttan kelgen, biz olardy reisten túsirip, oqshaýlaimyz. Taldaý jasap, belgili bir sharalar qabyldaimyz. Qosymsha habarlaimyz", - dedi Qisyqova onlain brifingte.
Aita ketsek, búgin astanada on tórt adamnyń virýs juqtyrǵany anyqtaldy. Olardyń tórteýi Italiia men Ońtústik Koreia elderinen ushyp kelgen. On úsh adamnyń jaǵdaiy qanaǵattanarlyq, bir patsienttiń háli ortasha.
Sońǵy derekke súiensek, Qazaqstanda koronavirýs juqtyrǵandar sany 27 adam. Onyń 11-i Almatyda, qalǵan 16-sy Nur-Sultan qalasynda.
Aita ketsek, indetke shaldyqqandar arasynda eki jasar sábi de bar.
1536 adam statsionarlyq karantinde, al 1094 adam úi karantinine alynǵan.
Qazaqstanda 16 naýryz tańǵy saǵat 08.00-den bastap tótenshe jaǵdai rejimi jariialandy. Ol otyz kúnge sozylady.
