ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس جۇقتىرعان ادامداردىڭ كٷرت ٶسٸپ كەتۋٸنە بايلانىستى قالادا تٶتەنشە جاعداي جارييالانۋى مٷمكٸن بە دەگەن سۇراققا جاۋاپ بەردٸ, دەپ حابارلايدى Sputnik قازاقستان.
"بٸز قازٸر ۆيرۋس جۇقتىرعاندارمەن بايلانىستا بولعان ادامداردىڭ سانىنا تالداۋ جاساپ جاتىرمىز. اۋرۋ, نەگٸزٸنەن, سىرتتان كەلگەن, بٸز ولاردى رەيستەن تٷسٸرٸپ, وقشاۋلايمىز. تالداۋ جاساپ, بەلگٸلٸ بٸر شارالار قابىلدايمىز. قوسىمشا حابارلايمىز", - دەدٸ قيسىقوۆا ونلاين بريفينگتە.
ايتا كەتسەك, بٷگٸن استانادا ون تٶرت ادامنىڭ ۆيرۋس جۇقتىرعانى انىقتالدى. ولاردىڭ تٶرتەۋٸ يتالييا مەن وڭتٷستٸك كورەيا ەلدەرٸنەن ۇشىپ كەلگەن. ون ٷش ادامنىڭ جاعدايى قاناعاتتانارلىق, بٸر پاتسيەنتتٸڭ حەلٸ ورتاشا.
سوڭعى دەرەككە سٷيەنسەك, قازاقستاندا كوروناۆيرۋس جۇقتىرعاندار سانى 27 ادام. ونىڭ 11-ٸ الماتىدا, قالعان 16-سى نۇر-سۇلتان قالاسىندا.
ايتا كەتسەك, ٸندەتكە شالدىققاندار اراسىندا ەكٸ جاسار سەبي دە بار.
1536 ادام ستاتسيونارلىق كارانتيندە, ال 1094 ادام ٷي كارانتينٸنە الىنعان.
قازاقستاندا 16 ناۋرىز تاڭعى ساعات 08.00-دەن باستاپ تٶتەنشە جاعداي رەجيمٸ جارييالاندى. ول وتىز كٷنگە سوزىلادى.
