QR Qorǵanys ministri Nurlan Ermekbaev Ortalyq kommýnikatsiialar qyzmetinde «Áskerdegi álimjettik qashan joiylady?» degen suraqqa jaýap berdi, dep habarlaidy "Ult aqparat".
«Qazir bizdiń áskerde Keńes zamanyndaǵydai «Dedovshina» joq. 90-jyldardyń basynda bolǵan shyǵar, biraq qazir joq. Onyń basty sebepteriniń biri – qazirgi merzimdi áskeri qyzmet bir jylǵa ǵana sozylady. Iaǵni burynǵydai ysylǵan sarbaz, jas sarbaz degen túsinik joq. Barlyǵy bir shaqyrylymmen keledi nemese aradaǵy aiyrmashylyq asa kóp bolmaidy», - dep jaýap berdi N. Ermekbaev tilshi suraǵyna.
Sonymen birge, ministrdiń aitýynsha, qazir komandirlerge ujymdaǵy ahýaldy qadaǵalap, jarǵydan tys qarym-qatynasqa jol bermeý tapsyrmasy mindettelgen.
«Árine, kez kelgen erler ujymynda eregis pen janjaldar bolady. Biraq eresekteý sarbazdardyń ózinen keiingilerdi qorlaýy, jarǵydan tys áreketterge májbúrleýi sekildi júieli kórinis joq», - dedi N. Ermekbaev.
Buǵan deiin Qorǵanys ministri turǵyndarǵa kamýfliaj reńkindegi kiim kiiýge tyiym salynbaitynyn túsindirgen edi.
