Qarýly Kúshterde merzimdi qyzmettegi áskeri qyzmetshiler men kýrsanttar úshin 19 sailaý ýchaskesi quryldy, dep habarlaidy "Ult aqparat".
Qorǵanys ministriliginde ótken apparat keńesinde aldaǵy ýaqytqa arnalǵan tapsyrmalar belgilendi. Qorǵanys vedomstvosynyń basshysy laýazymdy adamdardyń jaýyngerlik daiarlyq, áskeri obektilerdiń diversiiaǵa qarsy qaýipsizdigi, sondai-aq áskeri tártibi týraly baiandamalaryn tyńdady.
Bas qolbasshylar 2020 jyldyń jeltoqsan aiynyń sońynda bitken mamandyq jónindegi daiarlyq nátijeleri jáne bólimderdiń úilesimdiligi bastalǵany jóninde aitty. Bas shtabqa sabaqtardy ótkizý sapasyn, jeke quramnyń bilimdi tolyq meńgerýin jáne qajetti daǵdylardy qalyptastyrýdy baqylaýyn uiymdastyrý tapsyryldy. Ásker daiarlaý kezinde formalizm men nemqurailylyqqa jol bermeýge nazar aýdaryldy. Parlament Májilisi depýtattarynyń sailaýyna áskeri qyzmetshilerdiń qatysýy týraly másele jeke qaraldy.
Qorǵanys ministri, general-leitenant Nurlan Ermekbaev bul el taǵdyry úshin jaýapty jáne mańyzdy is-shara ekenin atap ótti. Sondyqtan árkimge óziniń azamattyq ustanymyn tanytýǵa, daýys berýge qatysýǵa múmkindik berý kerektigin aitty. Qarýly Kúsh ofitserleri, kelisimshart boiynsha áskeri qyzmetshiler men azamattyq personaldary sailaýǵa turǵylyqty mekenjaiy boiynsha qatysa alady. Merzimdi qyzmettegi áskeri qyzmetshiler men áskeri oqý oryndarynyń kýrsanttary úshin Qorǵanys ministrliginiń áskeri bólimderi men mekemelerinde 19 sailaý ýchaskesi qurylǵan.
Qorǵanys vedomstvosynyń basshysy qoldanystaǵy zańnamaǵa sáikes, sondai-aq sanitarlyq-epidemiologiialyq sharalardy eskere otyryp, bul ýchaskelerge senim bildirgen tulǵalar men baiqaýshylar jiberilýi múmkin. Qorǵanys vedomstvosynyń basshysy daýys berý barysynda «Sailaý týraly» zańdy qatań qadaǵalaý, sonymen qatar jeke quram arasynda quqyqtyq tártip pen áskeri tártipti saqtaý qajettigin atap ótti.
