Parlament Senatynyń jalpy otyrysynda «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy óteýsiz áskeri-tehnikalyq kómek kórsetý týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
Qazaqstan Úkimeti men Qyrǵyzstan Úkimeti arasyndaǵy óteýsiz áskeri-tehnikalyq kómek kórsetý týraly kelisim 2021 jylǵy 2 naýryzda Nur-Sultan qalasynda jasalǵan.
«Kelisim qyrǵyz tarapyna áskeri múlikti, atap aitqanda, oq-dáriler men arnaiy jabdyqty bir ret berýdi kózdeidi», - dedi QR Qorǵanys ministriniń orynbasary Rýslan Shpekbaev.
Onyń aitýynsha, Qazaqstan tarapy áskeri múlikti Qyrǵyz Respýblikasynyń Qoi-Tash eldi mekenine deiin avtomobil kóligimen jetkizýdi qamtamasyz etip, oǵan bailanysty barlyq shyǵysty ózi kóteredi
«Qyrǵyz jaǵy Qazaqstannan alǵan áskeri múlikti, ony paidalaný quqyǵyn úshinshi tarapqa bermeidi. Áskeri múlikti Qyrǵyzstanǵa berý Qazaqstannyń jaýyngerlik ázirligi men qorǵanys qabiletine yqpal etpeitinin atap ótý qajet», - dedi R. Shpekbaev.
