2021 jylǵy 24 qarashada Investitsiialyq daýlardy retteý boiynsha halyqaralyq ortalyǵy (IDRHO) janyndaǵy tórelik Tribýnal «Big Sky Energy Corporation» amerikandyq kompaniiasynyń bastamasymen bolǵan Qazaqstan Respýblikasyna qarsy tórelik is boiynsha Qazaqstan Respýblikasynyń paidasyna sheshim shyǵardy. Talap aryzdyń somasy 460,1 mln AQSh dollaryn qurady, dep habarlaidy "Ult aqparat" Ádilet ministrligine silteme jasap.
Qazaqstan Respýblikasy Tribýnaldy Qazaqstan men AQSh arasyndaǵy ekijaqty investitsiialyq kelisimniń buzylmaǵanyna sendirdi. Talapkerdiń talaptary tolyǵymen qabyldanbady.
Tribýnal Talapkerdi Respýblikaǵa tórelik shyǵyndaryn tóleýdi mindettedi.
Tórelik talap aryzdy «Big Sky Energy Corporation» amerikandyq kompaniiasy 2017 jylǵy shilde aiynda IDRHO erejelerine sáikes bastaǵandyǵyn atap ótemiz.
Tyńdaýlar 2021 jylǵy 4-12 qańtar aralyǵynda onlain formatta ótti.
Talapkerdiń negizgi shaǵymdary, Atyraý oblysyndaǵy munai ken oryndarynda jer qoinaýyn paidalaný quqyǵy bar "Qojan" JShS kompaniiasyndaǵy qatysý úlesin ekspropriatsiialaýǵa alyp kelgen, memlekettik organdardyń, Talapkerdiń aitýynsha, zańsyz is-áreketteri bolyp tabylady.
Atalǵan is boiynsha Qazaqstan Respýblikasynyń múddesin QR Ádilet ministrligi "Reed Smith LLP" zań firmasymen birlesip bildiredi.
