Foto: en.cryptonomist.ch
Qazaqstanda Alem Crypto Fund kriptoqory jumysyn bastady. Qor Jasandy intellekt jáne tsifrlyq damý ministrliginiń bastamasymen qurylyp, Qazaqstan Venture Group basqarýyna berildi jáne Astana halyqaralyq qarjy ortalyǵynyń (AHQO) ekojúiesinde tirkeldi, dep habarlaidy Ult.kz.
Qordyń basty maqsaty - tsifrlyq aktivterge uzaq merzimdi investitsiia salyp, qarjy rezervin qalyptastyrý. Bolashaqta Alem Crypto Fund memlekettik jinaqtardy basqarýǵa arnalǵan quralǵa ainalyp, elimizdiń qarjylyq bolashaǵyn tiimdi basqarý múmkindigin keńeite alady.
«Alem Crypto Fund qorynyń qurylýy - Qazaqstandaǵy tsifrlyq qarjy salasyn damytý jolyndaǵy mańyzdy qadam. Bizdiń maqsatymyz - ony iri investorlar úshin senimdi quralǵa jáne memlekettik tsifrlyq rezervterdiń negizine ainaldyrý», - dep atap ótti premer-ministriniń orynbasary – Jasandy intellekt jáne tsifrlyq damý ministri Jaslan Mádiev.
Qordyń strategiialyq seriktesi - Binance Kazakhstan. Ol álemdegi tsifrlyq aktiv ekojúiesi salasyndaǵy iri oiynshy, Binance-tyń qurylymyna kiretin, jergilikti litsenziialanǵan kompaniia.
Dál osy Binance Kazakhstan-men seriktestikte Alem Crypto Fund óziniń alǵashqy investitsiiasyn júzege asyryp, BNB tokenin satyp aldy. BNB - bul BNB Chain jelisiniń negizgi tokeni. Ol tranzaktsiia júrgizý, komissiia tóleý jáne jelini basqarýǵa qatysý úshin qoldanylady.
Búginde BNB-diń naryqtyq kapitalizatsiiasy 138 milliard AQSh dollarynan asady. Bul ony álemdik naryqtaǵy eń turaqty ári yqpaldy tsifrlyq aktivterdiń birine ainaldyryp otyr.
«Binance Kazakhstan kompaniiasynyń Alem Crypto Fund qorynyń strategiialyq seriktesi bolǵanyna qýanyshtymyz. Qordyń alǵashqy tsifrlyq aktiv retinde BNB-di tańdaýy Binance ekojúiesine degen senimdi bildiredi jáne Qazaqstanda kriptovaliýtalardyń institýtsionaldyq deńgeide moiyndalýyna jol ashady. Bul - tsifrlyq aktivter naryǵyn ashyq ári qaýipsiz etý jolyndaǵy mańyzdy qadam, munda memlekettik bastamalar men jahandyq tehnologiialar ulttyq ekonomikanyń igiligi úshin birlesip jumys isteidi», - dedi Binance Kazakhstan kompaniiasynyń bas menedjeri Nurhat Kúshimov.
