AQSh – Qazaqstannyń eń iri investorlarynyń biri. Ol el ekonomikasyna kólemdi qarjy quidy. Bul týraly AQSh-tyń saýda ministri Ýilbýr Rostyń Qazaqstanǵa resmi sapary aiasynda elordadaǵy «Rixos President Hotel» qonaqúiinde Qazaqstan-Amerika biznes-forýmynda QR Premer-ministriniń birinshi orynbasary Asqar Mamin aitty.
«QR Úkimeti atynan AQSh saýda ministri Ýilbor Rostyń elimizge resmi sapary úshin jáne eki el arasyndaǵy yntymaqtastyqty odan ári damytý men nyǵaitýdy talqylaýǵa múmkindik týǵyzǵany úshin, sonymen qatar, AQSh-Qazaqstan biznes qaýymdastyǵyna osy sapardy uiymdastyrǵany úshin alǵys bildiremin. Bizdiń táýelsizdik jyldarymyzdyń basynan beri AQSh eń senimdi ekonomikalyq seriktesimiz boldy. AQSh Qazaqstanǵa 40 mlrd-tan astam dollar investitsiia quiyp, elimiz úshin eń iri investorlardyń biri bolyp otyr. Chevron extmobiled, Electrics syndy kompaniialar bizdiń injeniriia, energetika salalarda usynylǵan», - dedi Mamin.
Ol Qazaqstan úshin tikelei investitsiianyń 8%-yn AQSh usynaǵyn atap ótti.
«Biyl Memleket basshysynyń qańtardaǵy AQSh-qa saparynyń arqasynda ekijaqty saýda qatynasymyzdy keńeitip jatyrmyz. Sol sapar aiasynda quny 7 mlrd dollar bolatyn kelisimge qol qoiyldy. Kelisimsharttar ónerkásip, qarjy, aviatsiia, tsifrlandyrý, himiialyq ónerkásip siiaqty salalarda jasaldy. Eki el basshylarynyń strategiialyq áriptestikti nyǵaitý týraly birlesken málimdemesi bizdiń elderdiń arasyndaǵy saýda men investitsiiany odan ári nyǵaitýǵa negiz boldy. Biz yntymaqtastyq seriktestikti odan ári nyǵaityp, senimdilikti kúsheitedi dep senemiz. Bizdiń JIÓ 70% jáne tikelei investitsiianyń 8% Amerikadan keledi. Osynyń arqasynda ekonomikamyz ósip jatqanyn kórip otyrmyz jáne qyrkúiekten beri bizdiń JII 4% ulǵaidy. Odan ári óse beredi. Halyqaralyq valiýta qory da ekonomikamyzdyń ósip jatqanyn atap ótti. Ol 2016-2019 jyldarda da ekonomikalyq ósimge qol jetetinin de atady. Biz qoiylǵan maqsattarymyzǵa qol jetkizip kelemiz», - dep málimdedi premer-ministrdiń orynbasary.
Asqar Mamin Qazaqstannyń syrtqy saýdasyna da toqtaldy.
Al syrtqy saýdaǵa keletin bolsaq, osy jyldyń 8 aiynda 20% ósti. Syrtqy saýdany 100 mlrd dollarǵa deiin ulǵaitýdy kózdeimiz. Jalpy bizdiń ekonomika men saýdamyz sheteldik investorlardyń qyzyǵýshylyǵyn arttyrýda. Jáne tikelei investitsiia tartý 15%-dan asty. Biz investorlar úshin yńǵaily saýda jaǵdaiyn jasaimyz. QR Prezidenti Nursultan Nazarbaev sheteldik investorlar keńesin uiymdastyrýǵa tikelei ózi jaýap beredi. Investitsiialyq saiasattaǵy jetistigimizdi eskere otyryp, biz quny 1 mlrd dollar bolatyn jeke investitsiialar qoryn ashýdy josparlap otyrmyz», - deidi ol.
