QR Saýda jáne integratsiia ministri Baqyt Sultanov eksportqa qatysty jaǵdaidy aitty, dep habarlaidy "Ult aqparat".
«Karantin shekteýleri men ónim jetkizýdegi kemshilikter azyq-túlik emes taýarlarǵa suranystyń 20 paiyzǵa jýyq tómendeýine alyp keldi. Sonymen qatar, lokdaýn aýyl sharýashylyǵy taýarlarynyń saýdasyna aitarlyqtai áser etpedi», - dedi Sultanov onlain rejimde halyq aldynda esep berýi kezinde.
Onyń aitýynsha, álem elderiniń bazalyq azyq-túlik ónimderin qarbalas satyp alýy qazaqstandyq óńdelgen aýyl sharýashylyǵy taýary eksportyn 18,1 paiyzǵa arttyrýǵa múmkindik berdi.
«Ishki naryqtyń turaqtylyǵy men eksporttyq tiisti kólemin qamtamasyz etý úshin kórshiles eldermen forvardty sharttardy bekitýdi josparlap otyrmyz. Osy oraida kartopty, piiazdy, sábizdi jáne qyryqqabaty tiisti kezeńde jáne ónim jinaý merziminde ózara jetkizý boiynsha kelisimdi bekitpekpiz. Ónimdi jappai jinaý kezeńinde kórshiles elderge 765 myń tonnaǵa jýyq kókónis jetkize alamyz. Sonymen qatar, bizdiń naryq erte pisetin 280 myń tonna kókónispen ýaqytyly qamtamasyz etiledi», - dedi ministr.
Nátijesinde, atalǵan ónimderge baǵanyń qubylýy 7-10 paiyz dálizinde bolady dep eskerilip otyr.
