Qazaqstan 26 qazannan birqatar shet memleketke aviareisterdi qysqartady. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Sondai-aq álemdegi epidemiologiialyq ahýaldyń nasharlaýyna bailanysty vedomstvoaralyq komissiia shekaradaǵy baqylaýdy qosymsha kúsheitý týraly usynysty maquldady. 26 qazannan bastap myna elderge áýe reisteriniń sany qysqartylady: Ýkraina, BAÁ, Germaniia, Belarýs, Túrkiia. Qazaqstan Respýblikasyna keletin azamattardyń mindetti túrde tapsyrylǵanyna 72 saǵattan aspaǵan PTR-test anyqtamasy bolýy qajet. Eger anyqtamasy bolmasa, qazaqstandyqtar eki táýlikke karantindik statsionarǵa jatqyzylady. Sheteldik azamattar eline qaitadan departatsiialanady», - dedi Ajar Ǵiniiat Ortalyq kommýnikatsiialar qyzmetindegi baspasóz máslihatynda.
Onyń aitýynsha, óńirlerdegi epidemiologiialyq jaǵdaidy eskere otyryp, 12 óńirdiń – Nur-Sultan, Almaty qalalarynyń , SQO, BQO, Aqmola, Mańǵystaý, Almaty, Pavlodar, Qostanai, ShQO, Qaraǵandy, Jambyl oblystarynyń ákimdikteri karantin sharalaryn kúsheitý týraly sheshim qabyldady.
«PTR-test tapsyrǵandar qatarynyń kóbeiýine bailanysty COVID-19-ǵa shaldyqqandar sany artýda. Qazirgi ýaqytta zerthanalar táýligine 55 myńǵa jýyq test jasai alady. Elimizde 13 355 infektsiialyq tósek-oryn bar. Onyń 16 paiyzynda búginde naýqastar jatyr – 2 myńnan astam. Sondai-aq 6 841 karantindik tósek-oryn daiyndap qoidyq. Onyń 8 paiyzynda ǵana patsientter bar, 600-ge jýyq adam. Qosymsha 3 335 kerýet jańa infektsiialyq aýrýhanalarda iske qosylady», - dedi vitse-ministr.
