قازاقستان 26 قازاننان بٸرقاتار شەت مەملەكەتكە اۆيارەيستەردٸ قىسقارتادى. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«سونداي-اق ەلەمدەگٸ ەپيدەميولوگييالىق احۋالدىڭ ناشارلاۋىنا بايلانىستى ۆەدومستۆوارالىق كوميسسييا شەكاراداعى باقىلاۋدى قوسىمشا كٷشەيتۋ تۋرالى ۇسىنىستى ماقۇلدادى. 26 قازاننان باستاپ مىنا ەلدەرگە ەۋە رەيستەرٸنٸڭ سانى قىسقارتىلادى: ۋكراينا, باە, گەرمانييا, بەلارۋس, تٷركييا. قازاقستان رەسپۋبليكاسىنا كەلەتٸن ازاماتتاردىڭ مٸندەتتٸ تٷردە تاپسىرىلعانىنا 72 ساعاتتان اسپاعان پتر-تەست انىقتاماسى بولۋى قاجەت. ەگەر انىقتاماسى بولماسا, قازاقستاندىقتار ەكٸ تەۋلٸككە كارانتيندٸك ستاتسيونارعا جاتقىزىلادى. شەتەلدٸك ازاماتتار ەلٸنە قايتادان دەپارتاتسييالانادى», - دەدٸ اجار عينييات ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, ٶڭٸرلەردەگٸ ەپيدەميولوگييالىق جاعدايدى ەسكەرە وتىرىپ, 12 ٶڭٸردٸڭ – نۇر-سۇلتان, الماتى قالالارىنىڭ , سقو, بقو, اقمولا, ماڭعىستاۋ, الماتى, پاۆلودار, قوستاناي, شقو, قاراعاندى, جامبىل وبلىستارىنىڭ ەكٸمدٸكتەرٸ كارانتين شارالارىن كٷشەيتۋ تۋرالى شەشٸم قابىلدادى.
«پتر-تەست تاپسىرعاندار قاتارىنىڭ كٶبەيۋٸنە بايلانىستى COVID-19-عا شالدىققاندار سانى ارتۋدا. قازٸرگٸ ۋاقىتتا زەرتحانالار تەۋلٸگٸنە 55 مىڭعا جۋىق تەست جاساي الادى. ەلٸمٸزدە 13 355 ينفەكتسييالىق تٶسەك-ورىن بار. ونىڭ 16 پايىزىندا بٷگٸندە ناۋقاستار جاتىر – 2 مىڭنان استام. سونداي-اق 6 841 كارانتيندٸك تٶسەك-ورىن دايىنداپ قويدىق. ونىڭ 8 پايىزىندا عانا پاتسيەنتتەر بار, 600-گە جۋىق ادام. قوسىمشا 3 335 كەرۋەت جاڭا ينفەكتسييالىق اۋرۋحانالاردا ٸسكە قوسىلادى», - دەدٸ ۆيتسە-مينيستر.
