Elordada Demokratiialyq kúshterdiń «Qazaqstan-2050» jalpyulttyq koalitsiiasynyń kezekti otyrysy ótýde. Nur Otan partiiasy Tóraǵasynyń birinshi orynbasary Máýlen Áshimbaevtyń tóraǵalyq etken alqaly jiyn elordamyzdyń Nur-Sultan qalasyna ózgerýin qoldaýǵa orai uiymdastyrylǵan, dep habarlaidy QazAqparat tilshisi.
Otyrys tizginin qolǵa alǵan Máýlen Áshimbaev qazirgi ýaqytta elimiz tarihi kezeńdi bastan keshirip jatqanyn atap ótip, Elbasy óziniń prezidenttik ókilettigin toqtatý sheshimin barlyq máseleni saralai kele sarabdaldyqpen qabyldaǵandyǵyn aitty.
«Elbasy el men halyqtyń múddesin birinshi kezekke qoiyp, árdaiym durys sheshimder qabyldaidy. Sondyqtan Nursultan Ábishuly Nazarbaev qashanda bizdiń Elbasymyz, táýelsiz Qazaqstannyń negizin qalaýshy tulǵa, el ishinde jáne halyqaralyq arenada orasan zor bedelge ie álemdik deńgeidegi saiasatker, asa kórnekti reformator bolyp qala beredi. Onyń erik-jigeri men tabandylyǵynyń arqasynda Qazaqstan Táýelsiz memleket bolyp qalyptasty», - degen Nur Otan partiiasy Tóraǵasynyń birinshi orynbasary Tuńǵysh Prezidentimizdiń esimin elordamyzǵa berýdiń mańyzy zor ekenin atap ótti.
Osy oraida ol Elbasyń Qaýipsizdik keńesiniń tóraǵasy, Qazaqstan halqy Assambleiasynyń jáne Nur Otan partiiasynyń tóraǵasy bolyp qala beretindigine, memlekettiń strategiialyq damýyna airyqsha yqpal etetin tulǵa bolyp qalatyndyǵyna toqtaldy.
Aita keterligi, jiynǵa eldegi jetekshi partiialardyń basshylary, Parlament depýtattary, Qazaqstan halqy Assambleiasynyń, kásibi jáne qoǵamdyq birlestikterdiń ókilderi qatysyp jatyr.
.jpeg)