ەلوردادا دەموكراتييالىق كٷشتەردٸڭ «قازاقستان-2050» جالپىۇلتتىق كواليتسيياسىنىڭ كەزەكتٸ وتىرىسى ٶتۋدە. Nur Otan پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆتىڭ تٶراعالىق ەتكەن القالى جيىن ەلوردامىزدىڭ نۇر-سۇلتان قالاسىنا ٶزگەرۋٸن قولداۋعا وراي ۇيىمداستىرىلعان, دەپ حابارلايدى قازاقپارات تٸلشٸسٸ.
وتىرىس تٸزگٸنٸن قولعا العان مەۋلەن ەشٸمباەۆ قازٸرگٸ ۋاقىتتا ەلٸمٸز تاريحي كەزەڭدٸ باستان كەشٸرٸپ جاتقانىن اتاپ ٶتٸپ, ەلباسى ٶزٸنٸڭ پرەزيدەنتتٸك ٶكٸلەتتٸگٸن توقتاتۋ شەشٸمٸن بارلىق مەسەلەنٸ سارالاي كەلە سارابدالدىقپەن قابىلداعاندىعىن ايتتى.
«ەلباسى ەل مەن حالىقتىڭ مٷددەسٸن بٸرٸنشٸ كەزەككە قويىپ, ەردايىم دۇرىس شەشٸمدەر قابىلدايدى. سوندىقتان نۇرسۇلتان ەبٸشۇلى نازارباەۆ قاشاندا بٸزدٸڭ ەلباسىمىز, تەۋەلسٸز قازاقستاننىڭ نەگٸزٸن قالاۋشى تۇلعا, ەل ٸشٸندە جەنە حالىقارالىق ارەنادا وراسان زور بەدەلگە يە ەلەمدٸك دەڭگەيدەگٸ ساياساتكەر, اسا كٶرنەكتٸ رەفورماتور بولىپ قالا بەرەدٸ. ونىڭ ەرٸك-جٸگەرٸ مەن تاباندىلىعىنىڭ ارقاسىندا قازاقستان تەۋەلسٸز مەملەكەت بولىپ قالىپتاستى», - دەگەن Nur Otan پارتيياسى تٶراعاسىنىڭ بٸرٸنشٸ ورىنباسارى تۇڭعىش پرەزيدەنتٸمٸزدٸڭ ەسٸمٸن ەلوردامىزعا بەرۋدٸڭ ماڭىزى زور ەكەنٸن اتاپ ٶتتٸ.
وسى ورايدا ول ەلباسىڭ قاۋٸپسٸزدٸك كەڭەسٸنٸڭ تٶراعاسى, قازاقستان حالقى اسسامبلەياسىنىڭ جەنە Nur Otan پارتيياسىنىڭ تٶراعاسى بولىپ قالا بەرەتٸندٸگٸنە, مەملەكەتتٸڭ ستراتەگييالىق دامۋىنا ايرىقشا ىقپال ەتەتٸن تۇلعا بولىپ قالاتىندىعىنا توقتالدى.
ايتا كەتەرلٸگٸ, جيىنعا ەلدەگٸ جەتەكشٸ پارتييالاردىڭ باسشىلارى, پارلامەنت دەپۋتاتتارى, قازاقستان حالقى اسسامبلەياسىنىڭ, كەسٸبي جەنە قوعامدىق بٸرلەستٸكتەردٸڭ ٶكٸلدەرٸ قاتىسىپ جاتىر.
.jpeg)