Parij kelisimi aiasynda Qazaqstan 2025 jylǵa deiin kómir óndirisin 70%-dan 40,3%-ǵa deiin qysqartady. Úkimet otyrysynda Energetika ministri Maǵzum Myrzaǵaliev osyndai aqparat berdi, dep habarlaidy QazAqparat.
«Kórsetilgen josparlardy iske asyrý elektr energiiasyn generatsiialaý qurylymynda mynadai ózgeristerge qol jetkizýge múmkindik beredi. Birinshiden, kómir óndirý úlesi 70 paiyzdan 40,3 paiyzǵa deiin tómendeidi. Ekinshiden, gaz generatsiiasy 20 paiyzdan 38 paiyzǵa deiin ulǵaiady. Úshinshiden, jańartylatyn energiia kózderiniń úlesi 3 paiyzdan 15 paiyzǵa deiin artady», - dedi vedomstvo basshysy.
Onyń sózine qaraǵanda, bul Qazaqstanǵa Parij kelisimi boiynsha jasalǵan mindettemelerdi oryndaýǵa múmkindik berip, 2060 jylǵa qarai odan ári dekarbonizatsiialaý jáne kómirtegi beitaraptyǵyna qol jetkizýdiń negizi qalanady.
Sondai-aq, Maǵzum Myrzaǵaliev Úkimet otyrysynda elimizdiń soltústigi men shyǵysyndaǵy oblystardy gazdandyrýdyń eki joly qarastyrylyp otyrǵanyn aitty.
«Petropavl, Kókshetaý, Óskemen, Semei, Pavlodar qalalary búgingi tańda gazdandyrylmaǵan. Sonymen qatar, atalǵan qalalardy gazben qamtamasyz etýdiń kelesidei joldary bar. Atap aitsaq, «Saryarqa» magistraldyq gaz qubyryn jalǵastyrý nemese Resei Federatsiiasynan magistraldyq gaz qubyrlaryn tartý. Jyl sońyna deiin «Gazprom» men «QazTransGaz» elimizdiń soltústik jáne shyǵys óńirlerin gazdandyrý boiynsha esepteý júrgizip, tiimdi nusqasyn ázirleidi» - dedi ministr.
