Qazaqstan 10 jylda qorshaǵan ortany qorǵaýǵa 370 mlrd teńgege jýyq investitsiia saldy, dep habarlaidy finprom.kz.
Osy jyldyń qańtar-tamyzynda qorshaǵan ortany qorǵaýǵa jumsalǵan investitsiia kólemi jyl ishinde 24 paiyzǵa artyp, 92,5 mlrd teńgege jetti. Ótken jyldyń osyndai kezeńindegi investitsiia somasy 74,6 mlrd teńge bolǵan edi. Bul 2018 jylǵy somadan 2 ese kóp. Sońǵy 3 jylda sektorǵa salynǵan investitsiia kólemi ortasha eseppen jylyna 94,7 paiyzǵa artyp keledi. Jalpy, sońǵy 10 jylda elimizde qorshaǵan ortany qorǵaýǵa 368,8 mlrd teńge jumsaldy.
Óńirlik shekte qorshaǵan ortany qorǵaýǵa Aqmola oblysy mol qarjy quiyp otyr. Aimaq ótken jylmen salystyrǵanda investitsiia kólemin 2 esege arttyryp, 27,5 mlrd teńgege jetkizdi. Al Shyǵys Qazaqstan oblysynda jyl ishinde investitsiia somasy 5,4 esege ulǵaiyp, 10,1 mlrd teńgeni qurady. Úzdik úshtiktiń qatarynda Mańǵystaý oblysy da bar. Bul óńir sektorǵa 7,8 mlrd teńge jaratqan.
Qazaqstan óńirleri arasynda tek Almaty oblysy ǵana qorshaǵan ortany qorǵaýǵa investitsiia salmady. Al bul óńirdiń aýasynyń lastanýy joǵary qalalary bar aimaqqa kiretindigi belgili.
Jalpy aýasynyń lastaný deńgeii joǵary qalalar qatarynda Aqtóbe, Óskemen, Atyraý, Nur-Sultan, Qaraǵandy, Balqash, Shymkent, Temirtaý jáne Semei qalalary bar.
