قازاقستان 10 جىلدا قورشاعان ورتانى قورعاۋعا 370 ملرد تەڭگەگە جۋىق ينۆەستيتسييا سالدى, دەپ حابارلايدى finprom.kz.
وسى جىلدىڭ قاڭتار-تامىزىندا قورشاعان ورتانى قورعاۋعا جۇمسالعان ينۆەستيتسييا كٶلەمٸ جىل ٸشٸندە 24 پايىزعا ارتىپ, 92,5 ملرد تەڭگەگە جەتتٸ. ٶتكەن جىلدىڭ وسىنداي كەزەڭٸندەگٸ ينۆەستيتسييا سوماسى 74,6 ملرد تەڭگە بولعان ەدٸ. بۇل 2018 جىلعى سومادان 2 ەسە كٶپ. سوڭعى 3 جىلدا سەكتورعا سالىنعان ينۆەستيتسييا كٶلەمٸ ورتاشا ەسەپپەن جىلىنا 94,7 پايىزعا ارتىپ كەلەدٸ. جالپى, سوڭعى 10 جىلدا ەلٸمٸزدە قورشاعان ورتانى قورعاۋعا 368,8 ملرد تەڭگە جۇمسالدى.
ٶڭٸرلٸك شەكتە قورشاعان ورتانى قورعاۋعا اقمولا وبلىسى مول قارجى قۇيىپ وتىر. ايماق ٶتكەن جىلمەن سالىستىرعاندا ينۆەستيتسييا كٶلەمٸن 2 ەسەگە ارتتىرىپ, 27,5 ملرد تەڭگەگە جەتكٸزدٸ. ال شىعىس قازاقستان وبلىسىندا جىل ٸشٸندە ينۆەستيتسييا سوماسى 5,4 ەسەگە ۇلعايىپ, 10,1 ملرد تەڭگەنٸ قۇرادى. ٷزدٸك ٷشتٸكتٸڭ قاتارىندا ماڭعىستاۋ وبلىسى دا بار. بۇل ٶڭٸر سەكتورعا 7,8 ملرد تەڭگە جاراتقان.
قازاقستان ٶڭٸرلەرٸ اراسىندا تەك الماتى وبلىسى عانا قورشاعان ورتانى قورعاۋعا ينۆەستيتسييا سالمادى. ال بۇل ٶڭٸردٸڭ اۋاسىنىڭ لاستانۋى جوعارى قالالارى بار ايماققا كٸرەتٸندٸگٸ بەلگٸلٸ.
جالپى اۋاسىنىڭ لاستانۋ دەڭگەيٸ جوعارى قالالار قاتارىندا اقتٶبە, ٶسكەمەن, اتىراۋ, نۇر-سۇلتان, قاراعاندى, بالقاش, شىمكەنت, تەمٸرتاۋ جەنە سەمەي قالالارى بار.
