Foto: t.me/kazakhmys_news
2026 jyly «Qazaqmys» korporatsiiasynda ónerkásiptik qaýipsizdik jáne eńbekti qorǵaý salasyndaǵy jańartylǵan strategiiany júzege asyrý qolǵa alynady. Basshylyqtyń eńbek ujymymen ótkizgen jumys kezdesýlerinde jańa strategiianyń negizgi baǵyttary men basymdyqtary túsindirildi.
Jańa strategiia qaýipsizdikti basqarýdy júieli túrde nyǵaitýǵa, tsifrlyq sheshimderdi damytýǵa jáne basshylardan bastap jumysshylarǵa deiingi barlyq deńgeidegi qyzmetkerlerdiń jeke jaýapkershiligin qalyptastyrýǵa baǵyttalǵan. Sonymen qatar óndiristik táýekelderdi azaitýǵa, qaýipsiz minez-qulyq mádenietin damytýǵa, jumyskerlerdiń aqparattandyrylýyn arttyrýǵa jáne zamanaýi ónerkásiptik qaýipsizdik standartyn engizýge negizdelgen.
Basty qaǵida – adamnyń ómiri men densaýlyǵyna erekshe basymdyq berý. Kompaniiada kez kelgen óndiristik mindet ómir qaýipsizdigi men densaýlyqtan mańyzdy bolmaitynyn airyqsha atap kórsetedi. Árbir jumysker óziniń, áriptesiniń nemese jabdyqtyń qaýipsizdigine qater tóngen jaǵdaida jumysty toqtatýǵa quqyly.
Foto: t.me/kazakhmys_news
Foto: t.me/kazakhmys_news
Ashyqtyq máselesine erekshe nazar aýdarylady. Jańartylǵan strategiia óndiristik nysan basshylaryna jazataiym oqiǵany jasyrǵany úshin jaýapkershilikti kúsheitýdi kózdeidi, munyń sońy tártiptik shara qoldanýǵa nemese eńbek shartyn buzýǵa deiin ákelýi múmkin. Atalǵan sharalar ákimshilik qysymdy tómendetýdi, ashyq orta qalyptastyrýdy jáne táýekelderdi ýaqytynda anyqtaýdy kózdeidi.
«Qazaqmys» kompaniiasynda óndiristik úderistiń barlyq qatysýshylarynyń birlesken, josparly jáne júieli jumysynyń nátijesinde ǵana jaraqattaný deńgeiin tómendetý múmkin ekenin aitady. Jańartylǵan ónerkásiptik qaýipsizdik strategiiasyn júzege asyrý kompaniianyń turaqty damýynyń ajyramas bóligi jáne jumyskerler men ózine qatysy bar óńirler aldyndaǵy jaýapkershiligi retinde qarastyrylady.
