Foto: Qazaqmys
«Qazaqmys korporatsiiasy» JShS Basqarma tóraǵasynyń taý-ken isi jáne baiytý jónindegi orynbasary Saiat Bakirov kompaniianyń 2060 jylǵa deiingi taý-ken baiytý keshenin damytý strategiiasyn talqylaý úshin Taý-ken óndirisi (TKÓ) bas direktorlarynyń qatysýymen keńeitilgen keńes ótkizdi.
Otyrys barysynda kompaniianyń óndiristik bólimsheleri aldaǵy onjyldyqtarǵa arnalǵan óndirýdiń kúntizbelik josparyn talqylady. Osynyń negizinde óndiristik infraqurylym salý men jańǵyrtýǵa investitsiia tartýdy, sondai-aq taý-ken-shahta jabdyǵyn jańartý men aýystyrýdy qamtityn qarjylandyrý baǵdarlamasy qalyptasady.
Keńeske qatysýshylar basym baǵyttardyń qatarynda mys-shikizat qoryn tolyqtyrý maqsatynda Q.I.Satbaev atyndagy Jezqazgan TKÓ Jezqazǵan ken ornynda (114 kelisimshart) geologiialyq barlaý jumysyn júrgizý qajettigin atap ótti. Sondai-aq óndirý kólemin qamtamasyz etý úshin «Jylandy» kenishinde óndiristik nysandar salý jáne ony jabdyqtaý jumysyn jalǵastyrý qajet.
Qaragayly TKÓ boiynsha ken igerý isine «Qusmuryn» ken orny qosymsha tartylýda. Bul Qaraǵaily baiytý fabrikasyn shikizatpen qamtamasyz etýge múmkindik beredi.
Nurqazǵan TKÓ quramyndaǵy Nurqazǵan baiytý fabrikasyn jańǵyrtýǵa erekshe nazar aýdaryldy. Josparǵa sáikes, kásiporyn 2029 jylǵa qarai jylyna 4,5 mln tonnaǵa deiin shikizat óńdeý deńgeiine shyǵýy tiis. Qazirgi tańda fabrikanyń kórsetkishi jylyna shamamen 4 mln tonnany quraidy.
Strategiialyq jospar barlanǵan ken qory negizinde qalyptasýda. Alaida ony iske asyrý barysynda shikizat kólemi men ondaǵy paidaly komponentterdiń quramyn naqtylaý qajet bolady. Osyǵan bailanysty jańa derek anyqtalǵan saiyn baǵdarlamaǵa túzetý engizilip otyrady.
