فوتو: قازاقمىس
«قازاقمىس كورپوراتسيياسى» جشس باسقارما تٶراعاسىنىڭ تاۋ-كەن ٸسٸ جەنە بايىتۋ جٶنٸندەگٸ ورىنباسارى سايات باكيروۆ كومپانييانىڭ 2060 جىلعا دەيٸنگٸ تاۋ-كەن بايىتۋ كەشەنٸن دامىتۋ ستراتەگيياسىن تالقىلاۋ ٷشٸن تاۋ-كەن ٶندٸرٸسٸ (تكٶ) باس ديرەكتورلارىنىڭ قاتىسۋىمەن كەڭەيتٸلگەن كەڭەس ٶتكٸزدٸ.
وتىرىس بارىسىندا كومپانييانىڭ ٶندٸرٸستٸك بٶلٸمشەلەرٸ الداعى ونجىلدىقتارعا ارنالعان ٶندٸرۋدٸڭ كٷنتٸزبەلٸك جوسپارىن تالقىلادى. وسىنىڭ نەگٸزٸندە ٶندٸرٸستٸك ينفراقۇرىلىم سالۋ مەن جاڭعىرتۋعا ينۆەستيتسييا تارتۋدى, سونداي-اق تاۋ-كەن-شاحتا جابدىعىن جاڭارتۋ مەن اۋىستىرۋدى قامتيتىن قارجىلاندىرۋ باعدارلاماسى قالىپتاسادى.
كەڭەسكە قاتىسۋشىلار باسىم باعىتتاردىڭ قاتارىندا مىس-شيكٸزات قورىن تولىقتىرۋ ماقساتىندا Q.I.Satbaev atyndagy Jezqazgan تكٶ جەزقازعان كەن ورنىندا (114 كەلٸسٸمشارت) گەولوگييالىق بارلاۋ جۇمىسىن جٷرگٸزۋ قاجەتتٸگٸن اتاپ ٶتتٸ. سونداي-اق ٶندٸرۋ كٶلەمٸن قامتاماسىز ەتۋ ٷشٸن «جىلاندى» كەنٸشٸندە ٶندٸرٸستٸك نىساندار سالۋ جەنە ونى جابدىقتاۋ جۇمىسىن جالعاستىرۋ قاجەت.
Qaragayly تكٶ بويىنشا كەن يگەرۋ ٸسٸنە «قۇسمۇرىن» كەن ورنى قوسىمشا تارتىلۋدا. بۇل قاراعايلى بايىتۋ فابريكاسىن شيكٸزاتپەن قامتاماسىز ەتۋگە مٷمكٸندٸك بەرەدٸ.
نۇرقازعان تكٶ قۇرامىنداعى نۇرقازعان بايىتۋ فابريكاسىن جاڭعىرتۋعا ەرەكشە نازار اۋدارىلدى. جوسپارعا سەيكەس, كەسٸپورىن 2029 جىلعا قاراي جىلىنا 4,5 ملن تونناعا دەيٸن شيكٸزات ٶڭدەۋ دەڭگەيٸنە شىعۋى تيٸس. قازٸرگٸ تاڭدا فابريكانىڭ كٶرسەتكٸشٸ جىلىنا شامامەن 4 ملن توننانى قۇرايدى.
ستراتەگييالىق جوسپار بارلانعان كەن قورى نەگٸزٸندە قالىپتاسۋدا. الايدا ونى ٸسكە اسىرۋ بارىسىندا شيكٸزات كٶلەمٸ مەن ونداعى پايدالى كومپونەنتتەردٸڭ قۇرامىن ناقتىلاۋ قاجەت بولادى. وسىعان بايلانىستى جاڭا دەرەك انىقتالعان سايىن باعدارلاماعا تٷزەتۋ ەنگٸزٸلٸپ وتىرادى.
