Foto: t.me/kazakhmys_news
«Qazaqmys» korporatsiiasy taý-ken metallýrgiia keshenine injenerlerdi daiarlaý jáne qoldanbaly ǵylymi sheshimderdi engizý maqsatynda memlekettik organdarmen, ǵylymi jáne bilim berý uiymdarymen ózara is-qimyldy júieli túrde damytyp keledi.
Qazaqstan Respýblikasy Ǵylym jáne joǵary bilim ministri Saiasat Nurbek pen «Qazaqmys» korporatsiiasy» JShS Basqarma tóraǵasy Rýslan Óskenáliniń jumys kezdesýinde ǵylymi-zertteý jáne tájiribelik-konstrýktorlyq jumys salasyndaǵy yntymaqtastyqtyń negizgi baǵyttary, injenerlik jáne ǵylymi kadrlardy daiarlaý, sondai-aq óndiristik úderisterdi tsifrlandyrý máseleleri talqylandy.
Foto: t.me/kazakhmys_news
Taraptar Colorado School of Mines pen Ulytaý ýniversitetiniń birlesken filialyn ashý bastamasyna erekshe nazar aýdardy. Jobany iske asyrý bilim berý jáne ǵylymi-zertteý baǵdarlamalaryn damytýdy, halyqaralyq bilim berý standarttaryn engizýdi jáne Ulytaý oblysynyń ǵylymi-bilim berý áleýetin nyǵaitýdy kózdeidi.
Bilim berý modelin talqylaý barysynda «Qazaqmys» korporatsiiasy» JShS men QR Ǵylym jáne joǵary bilim ministrligi jyl saiyn teń úles negizinde stýdentterdi úsh diplomdy baǵdarlama boiynsha oqytýǵa 100 grant bóletin boldy. Bul bastama bes jylǵa josparlanǵan jáne Qazaqstanda ǵana emes, Ortalyq Aziia elderinde de indýstriiany damytýǵa, sondai-aq joǵary bilikti injenerlerdiń turaqty aǵynyn qalyptastyrýǵa baǵyttalǵan.
Kadr daiarlaý baǵytynda «Qazaqmys» korporatsiiasy indýstriialyq PhD baǵdarlamasyn iske asyrýǵa qatysady. Qazirgi kezde korporatsiianyń 15 qyzmetkeri taý-ken isi jáne metallýrgiia salasyndaǵy beiindi baǵyttar boiynsha bilim alýda. Baǵdarlama ǵylymi ázirlemeler men zamanaýi tehnologiiany óndiristik úderiske tikelei engize alatyn mamandardy daiarlaýǵa baǵyttalǵan.
Korporatsiia qyzmetkerlerin oqytý máselesinde «Bolashaq» baǵdarlamasy boiynsha yntymaqtastyq ornatý múmkindigi, sondai-aq birlesken bilim berý jáne tálimgerlik bastamalardy damytý máseleleri talqylandy
Ǵylymi-tehnologiialyq hakatondardy damytý yntymaqtastyqtyń jeke baǵyty retinde aiqyndaldy. «Qazaqmys» korporatsiiasy naqty óndiristik mindetterdi sheshýge baǵyttalǵan salalyq hakatondardy ótkizýge qoldaý kórsetken alǵashqy ónerkásiptik kompaniia boldy. 2024-2025 jyldary korporatsiianyń óndiristik jáne tehnologiialyq alańdarynda eki hakaton ótkizilip, sonyń aiasynda 23-ten astam óndiristik mindet qaraldy.
Taraptar 2026 jyldyń Tsifrlandyrý jáne jasandy intellekt jyly bolyp jariialanýyn eskerip, biyl ónerkásiptik tsifrlandyrýdy, avtomattandyrýdy jáne taý-ken metallýrgiia keshenine JI sheshimderin engizýdi damytýǵa baǵyttalǵan úshinshi ǵylymi-tehnologiialyq hakaton ótkizý josparyn rastady.
«Qazaqmys» korporatsiiasy Ulytaý oblysynyń bazasynda bilim jáne ǵylym infraqurylymyn damytýdy óńirdiń turaqty damýy men óndiristiń tehnologiialyq deńgeiin arttyrýdyń negizgi faktorlarynyń biri retinde qarastyrady. Ǵylym jáne bilim berý salasyndaǵy yntymaqtastyqty keńeitý jónindegi jumys jalǵasyn tabady.
