Búgin «Qazaqmys korporatsiiasy» JShS músheleriniń kezekten tys jalpy jinalysynda korporatsiianyń direktorlar keńesiniń atqarý komitetiniń atyn «Qazaqmys korporatsiiasy» JShS keńes basqarýshysy dep ózgertý týraly sheshim qabyldandy.
Qyryqpyshev Baqtiiar Ábirahmanuly «Qazaqmys korporatsiiasy» JShS birinshi basshysy, basqarý keńesiniń bas direktory bolyp taǵaiyndaldy. Onymen birge korporatsiianyń basqarý keńesine bes top-menedjer jatady. Atqarý komitetiniń ókildiginiń merzimi úsh jyl bolady.
Ogai Edýard Viktoruly «Qazaqmys Holding» JShS direktorlar keńesiniń tóraǵasy, Qazaqmys kompaniiasy tobyndaǵy kompaniia basqarýshysy bolyp qala beredi, dep habarlaidy«Qazaqmys korporatsiiasy» JShS baspasóz qyzmeti.
Qazaqmys korporatsiiasy - Qazaqstandaǵy paidaly qazbalardy óndirý jáne óńdeý jumystaryn júrgizýdegi aldyńǵy qatardaǵy kompaniia bolyp esepteledi, sonymen birge elimizdegi mys óndirý alyby. Kompaniia quramynda - on bir kenish, tórt ken baiytý fabrikasy bar alyp kásiporyn. Qazaqmys korporatsiiasy ken óndirý oryndary men ony satý deńgeiine deiin jetkizetin óndiris oryndaryn basqarady. 2016 jyly katodtyq ekvivalentte 225,657 myń tonna mys jáne 2325 kg som altyn óndirildi. Qazaqmys dúnie júzinde kúmis óndirýden aldyńǵy qatardaǵy óndiris oshaǵy. 2016 jyly 249,6 tonna affinirlengen taza kúmis óndirildi.
Korporatsiia quramynda 36 500-dei adam eńbek etedi.
