"Qazaqmys" korporatsiiasy kenishteriniń birinde pyshaq jaraqatynan kóz jumǵan er adamnyń máiiti tabyldy, - dep habarlady "Ult aqparat".
Keshe "Qazaqmys" korporatsiiasy "Jomart" kenishiniń aýmaǵynda "Stroi shahta proekt" JShS merdigerlik uiymynyń 40 jastaǵy qyzmetkeriniń kúsh qoldaný belgileri bar máiiti tabylǵan. Marqum Óskemennen issaparǵa jiberilgen Omarov atyndaǵy shahta úńgileý trestiniń qyzmetkeri bolyp shyqty.
"17 qarashada «Qazaqmys» korporatsiiasy kenishiniń aýmaǵynda zorlyq-zombylyq belgileri bar 40 jastaǵy er adamnyń máiiti tabyldy. Bul fakt QR QK «Kisi óltirý» 99-baby 1-bóligi boiynsha SDTBT-da tirkelgen. Qazirgi ýaqytta politsiia qyzmetkerleri kúdikti adamdardy anyqtaý jáne ustaý maqsatynda jedel-izdestirý is-sharalaryn júrgizip jatyr. Oqiǵanyń mán-jaiy anyqtalýda", - delingen Ulytaý oblysynyń PD baspasóz qyzmetiniń habarlamasynda.
Aita keteiik, "Jomart" kenishi Jezqazǵannan 300 shaqyrym qashyqtyqta ornalasqan.
"Qaitys bolǵan adam - "Qazaqmys" jumyskeri emes. Óskemen qalasynyń merdiger kompaniiasynyń jumyskeri. Oqiǵa shahtanyń astynda emes, jer betinde bolǵan", - deidi "Qazaqmys Holding" JShS qoǵamdyq bailanys jáne kommýnikatsiialar departamenti baspasóz qyzmetiniń jetekshisi Darhan Muhan.
