Qazaqstan Respýblikasynyń Mádeniet jáne aqparat ministrliginiń qoldaýymen 13 mamyr kúni Roza Baǵlanova atyndaǵy «Qazaqkontsert» memlekettik akademiialyq kontserttik uiymynda Halyq qaharmany Roza Baǵlanova atyndaǵy halyqaralyq vokaldyq konkýrsyna arnalǵan baspasóz konferentsiiasy ótti.
Is-shara barysynda baiqaýdyń ekinshi kezeńi, qatysýshylar quramy, qazylar alqasynyń jumysy jáne aldaǵy Gala-kontsert týraly keńinen aqparat berildi.
Qazaqstan Respýblikasy Mádeniet jáne aqparat ministrliginiń tikelei qoldaýymen uiymdastyrylyp otyrǵan halyqaralyq vokaldyq konkýrs ekinshi ret ótkizilip otyr. Joba jas oryndaýshylardy qoldaýǵa, olardyń kásibi sheberligin arttyrýǵa jáne qazaq vokal ónerin halyqaralyq deńgeide nasihattaýǵa baǵyttalǵan.
Konkýrsqa Qazaqstannyń ár óńirinen, sondai-aq Túrkiia, Belarýs, Ózbekstan jáne Qyrǵyzstan memleketterinen 137 ótinim qabyldandy. Alǵashqy onlain kezeńniń qorytyndysy boiynsha 20 qatysýshy ekinshi kezeńge joldama aldy.
13 mamyr kúni ótetin ekinshi kezeńde qatysýshylar Roza Baǵlanova repertýaryndaǵy shyǵarmalardy oryndap, kásibi sheberlikterin kórsetedi. Baiqaýdyń basty maqsaty – ulttyq mýzykalyq murany dáripteý jáne ony jas býyn arasynda keńinen nasihattaý.
Baspasóz konferentsiiasyna qazylar alqasynyń músheleri qatysty. Olardyń qatarynda Qazaqstannyń halyq ártisi, QR Memlekettik syilyǵynyń laýreaty, professor Laki Kesoglý, Qazaqstannyń eńbek sińirgen qairatkerleri Bolatbek Býkenov, Jeńis Ysqaqova, Sembek Jumaǵaliev jáne Qyrǵyz Respýblikasynyń halyq ártisi Ryskeldi Osmonqulov bar.
Sonymen qatar is-sharaǵa Roza Baǵlanovanyń uly Tájen Baǵlanov pen kelini Maral Baǵlanova qatysty. Baiqaý aiasynda Roza Baǵlanovanyń otbasy konkýrsqa arnaiy syilyq usynbaq.
14 mamyr kúni ótetin Gala-kontsert barysynda baiqaý jeńimpazdarynyń esimderi jariialanyp, laýreattarǵa arnaiy sertifikattar men aqshalai syilyqtar tabystalady.
Konkýrsty uiymdastyrýshy – Roza Baǵlanova atyndaǵy «Qazaqkontsert» memlekettik akademiialyq kontserttik uiymy.
