.jpeg)
Roza Baǵlanova atyndaǵy «Qazaqkontsert» memlekettik akademiialyq kontserttik uiymynda «Konstitýtsiia – táýelsizdiktiń kepili» atty dóńgelek ústel ótti. Is-sharada Qazaqstan Respýblikasynyń jańartylǵan Konstitýtsiiasynyń jańa jobasy talqylandy.
Jańartylǵan Konstitýtsiia jobasy memlekettik basqarý printsipterin jáne memleket pen qoǵam arasyndaǵy ózara áreketti tereń qaita oilaý kezeńin kórsetedi. Usynylǵan ózgerister quqyqtyq memleketti odan ári nyǵaitýǵa jáne adamnyń quqyqtary men bostandyqtaryna kepildikterdi keńeitýge baǵyttalǵan. Kezdesýge qatysýshylar reformanyń qundylyqtyq jáne gýmanitarlyq qyrlaryna nazar aýdaryp, jańa normalardyń qoǵamdyq sanaǵa áseri jaiynda oi bólisti.
– Aldyńǵy kezekte Ata Zańnyń jańa mátininde bilim men ǵylymǵa, tarihi-mádeni murany saqtaý, tól mádenietti qoldaý, mádeniet pen innovatsiiaǵa basymdyq berilgeni kóńil qýantady. Bul 3 baptyń 1 tarmaǵynda aiqyn jazylady. Odan bólek 40-bapta Qazaqstan Respýblikasynyń azamattary tarihi jáne mádeni muranyń saqtalýyna qamqor bolýǵa, tarih pen mádeniet eskertkishterine uqypty qaraýǵa mindetti ekendigi aitylǵan. Sebebi elimizdiń bolashaǵy adami kapitalǵa, azamattardyń bilimi men jetistikterine negizdeletinin kórsetedi. Mundai baǵyt jastardyń áleýetin ashýǵa, shyǵarmashylyq pen ziiatkerlik damýdy qoldaýǵa jol ashady, - dep atap ótti Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń direktory Aqan Abdýaliev.
Jiynda sóz alǵan Qazaqstannyń eńbek sińirgen qairatkeri Janǵali Júzbai óner adamdarynyń shyǵarmashylyǵyna qoldaý kórsetý jóninde óz oiymen bólisti.
– Qazir ónerdiń barlyq salasy jan-jaqty damyp keledi. Atap aitqanda, ulttyq óner, klassikalyq óner, estrada óneri, qazaq bi óneri, hor óneri, kino jáne teatr óneriniń damýyn atap ótýge bolady. Mysaly, «Qazaqkontsert» uiymyndaǵy «Halyq qazynasy» ulttyq óner ortalyǵynda halyqtyń áni, jyry, kúii men dastany keńinen qamtylǵan. Demek, ortalyqtyń negizgi mindeti – Konstitýtsiiada kórsetilgendei, tarihi-mádeni murany saqtaý jáne tól mádenietti qoldaý qyzmetin atqarý. Budan bólek, jańa reformalar ultymyzdyń mádenieti, mentaliteti jáne áleýmettik máselelerdiń damýyna, sondai-aq qoǵamnyń bilim deńgeii men ziiatkerlik áleýetiniń artýyna yqpal etedi.
Kelesi sóz kezegi Qazaqstannyń Eńbek sińirgen qairatkeri, Erkeǵali Rahmadiev atyndaǵy Memlekettik akademiialyq filarmoniia kameralyq horynyń bas dirijeri Gúlmira Quttybadamovaǵa usynyldy.
— Qazir biz tez ózgerip jatqan álemde ómir súrip jatyrmyz. Onyń ústine, tsifrlandyrý oilaý júiemiz ben sanamyzdy túbegeili ózgertip, óz yqpalyn tigizýde. Ýaqyttyń osy shynaiy talaptary men syn-qaterleri, sózsiz, ózgerister men jańarýlardyń qajettiligin alǵa tartady. Konstitýtsiia jobasymen muqiiat tanysyp shyqtym. Meni shyǵarmashylyq adam, mádeniet qairatkeri jáne pedagog retinde eń aldymen jańa Konstitýtsiianyń basty ideiasy - bilim, ǵylym, mádeniet jáne innovatsiiaǵa basa nazar aýdarǵany qýantty. Bul jahandyq álem jaǵdaiynda qoǵamymyzdyń damý paradigmasyn túbegeili ózgertedi. Bilim berý men tárbieleý júiesiniń zaiyrly sipaty bólek atap kórsetilgen. Sondai-aq ziiatkerlik menshikti qorǵaý týraly erejeni mańyzdy dep sanaimyn: Konstitýtsiia deńgeiinde memlekettiń azamattardyń ziiatkerlik quqyqtaryn qorǵaýdy óz mindetine alatyny bekitilgen. Bul – mádeniet pen shyǵarmashylyqtyń damýyna jańa múmkindikter ashyp, erkin shyǵarmashylyqpen ainalysýǵa jaǵdai jasaityn asa mańyzdy qadam.
Sondai-aq, is-sharaǵa qatysýshylar eldiń uzaq merzimdi jańǵyrýy konteksinde aldaǵy ózgeristerdiń mańyzdylyǵyna toqtaldy. Olar mádeniet pen ónerdiń qoǵam ómirindegi rólin kúsheitetin mehanizmderdi egjei-tegjeili qarastyryp, azamattardyń quqyqtyq sanasyn qalyptastyrýda sol mádeniet pen ónerdiń qalai kómektesetindigi jóninde pikir bildirdi.
Budan bólek, jiynǵa qatysýshy qonaqtar alda referendým ótkizý bastamasynyń halyq keńesi arqyly júzege asatynyn atap ótti.
Kezdesýdiń qorytyndysy boiynsha shyǵarmashylyq bastamalardy odan ári qoldaýǵa qatysty usynystar tyńdaldy. Mádeniet salasynyń ókilderi jańartylǵan Konstitýtsiianyń talanttardy ashýǵa jáne ulttyq murany qorǵaýǵa berik negiz qalyptastyratynyn jáne ulttyń intellektýaldy áleýetin damytý úshin sheshýshi shart ekendigine basa nazar aýdardy.
Atalǵan jiynǵa mádeniet jáne óner salasynyń ókilderi jáne «Qazaqkontserttiń» shyǵarmashylyq ujymdarynyń kórkemdik jetekshileri qatysty.
