Qazaqstan Respýblikasy Mádeniet jáne sport ministriniń buiryǵymen Jeńis Seidýllauly «Qazaqkontsert» memlekettik kontserttik uiymynyń direktory bolyp taǵaiyndaldy, dep habarlaidy ministrliktiń baspasóz qyzmeti.
Aityp ketý kerek, «Qazaqkontsert» Memlekettik kontsert uiymy - Almaty qalasynda 1960 jyldary qurylǵan Qazaqstandaǵy eń iri mýzykalyq uiymdardyń biri. Óziniń bai tarihynyń alǵashqy kúnderinen-aq «Qazaqkontsert» qazaqstandyq mádeniettiń kósh basynda boldy. Bul jerde elimizdiń úzdik ártisteri men shyǵarmashylyq ujymdary bas qosqan. «Qazaqkontserttiń» keshteri aýqymdy kórermen aýditoriiasyn jinaidy, al baǵdarlamalary janrlyq san-alýandylyq pen oryndaýshylardyń joǵary kásibiligimen erekshelendi.
«Qazaqkontsertte» barlyq janrlar usynylǵan: halyq óneri, klassika, estrada. Shyǵarmashylyq quramǵa folklorlyq-etnografiialyq ansambl, «Akademiia solistov» memlekettik kameralyq orkestri, «Astana Musical» teatry, estradalyq jáne operalyq ánshiler kiredi.
Búgingi tańda «Qazaqkontsert» kórekti Astanamen óziniń jańa belesterin bailanystyra otyryp, aty ańyzǵa ainalǵan uiymnyń dańqty tarihyn jalǵastyryp keledi.
Jeńis Seidýllauly - Qazaqstannyń eńbek sińirgen qairatkeri, óner magistri. Respýblikalyq estrada óneri stýdiiasynda «Estrada vokaly» bóliminde, T.Júrgenov atyndaǵy Qazaq Ulttyq óner akademiiasynyń «Estradalyq óner» mamandyǵy boiynsha bilim alǵan.
Túrli jyldary Jeńis Seidollauly Súiinbai atyndaǵy oblystyq filarmoniia orkestriniń ártisi, «Gúlder» Memlekettik ansambliniń bas dirijeri, «Otan» Respýblikalyq saiasi partiiasynyń ortalyq apparaty ideologiia bólimi meńgerýshisiniń orynbasary boldy. «Gúlder» memlekettik ansambliniń direktory, «Qazaq áýenderi» AQ aimaqtyq direktory, T.Júrgenov atyndaǵy Qazaq Ulttyq óner akademiiasynyń shyǵarmashylyq jumystar jáne syrtqy bailanystar jónindegi prorektory, RMQK «J.Elebekov atyndaǵy Respýblikalyq estrada-tsirk kolledji» direktory bolyp qyzmet atqardy. 2016 jyldyń maýsym aiynan bastap Jambyl atyndaǵy Qazaq memlekettik filarmoniiasynyń direktory qyzmetin atqardy.
