قازاقستان رەسپۋبليكاسى مەدەنيەت جەنە سپورت مينيسترٸنٸڭ بۇيرىعىمەن جەڭٸس سەيدۋللاۇلى «قازاقكونتسەرت» مەملەكەتتٸك كونتسەرتتٸك ۇيىمىنىڭ ديرەكتورى بولىپ تاعايىندالدى, دەپ حابارلايدى مينيسترلٸكتٸڭ باسپاسٶز قىزمەتٸ.
ايتىپ كەتۋ كەرەك, «قازاقكونتسەرت» مەملەكەتتٸك كونتسەرت ۇيىمى - الماتى قالاسىندا 1960 جىلدارى قۇرىلعان قازاقستانداعى ەڭ ٸرٸ مۋزىكالىق ۇيىمداردىڭ بٸرٸ. ٶزٸنٸڭ باي تاريحىنىڭ العاشقى كٷندەرٸنەن-اق «قازاقكونتسەرت» قازاقستاندىق مەدەنيەتتٸڭ كٶش باسىندا بولدى. بۇل جەردە ەلٸمٸزدٸڭ ٷزدٸك ەرتٸستەرٸ مەن شىعارماشىلىق ۇجىمدارى باس قوسقان. «قازاقكونتسەرتتٸڭ» كەشتەرٸ اۋقىمدى كٶرەرمەن اۋديتوريياسىن جينايدى, ال باعدارلامالارى جانرلىق سان-الۋاندىلىق پەن ورىنداۋشىلاردىڭ جوعارى كەسٸبيلٸگٸمەن ەرەكشەلەندٸ.
«قازاقكونتسەرتتە» بارلىق جانرلار ۇسىنىلعان: حالىق ٶنەرٸ, كلاسسيكا, ەسترادا. شىعارماشىلىق قۇرامعا فولكلورلىق-ەتنوگرافييالىق انسامبل, «اكادەمييا سوليستوۆ» مەملەكەتتٸك كامەرالىق وركەسترٸ, «Astana Musical» تەاترى, ەسترادالىق جەنە وپەرالىق ەنشٸلەر كٸرەدٸ.
بٷگٸنگٸ تاڭدا «قازاقكونتسەرت» كٶرەكتٸ استانامەن ٶزٸنٸڭ جاڭا بەلەستەرٸن بايلانىستىرا وتىرىپ, اتى اڭىزعا اينالعان ۇيىمنىڭ داڭقتى تاريحىن جالعاستىرىپ كەلەدٸ.
جەڭٸس سەيدۋللاۇلى - قازاقستاننىڭ ەڭبەك سٸڭٸرگەن قايراتكەرٸ, ٶنەر ماگيسترٸ. رەسپۋبليكالىق ەسترادا ٶنەرٸ ستۋديياسىندا «ەسترادا ۆوكالى» بٶلٸمٸندە, ت.جٷرگەنوۆ اتىنداعى قازاق ۇلتتىق ٶنەر اكادەميياسىنىڭ «ەسترادالىق ٶنەر» ماماندىعى بويىنشا بٸلٸم العان.
تٷرلٸ جىلدارى جەڭٸس سەيدوللاۇلى سٷيٸنباي اتىنداعى وبلىستىق فيلارمونييا وركەسترٸنٸڭ ەرتٸسٸ, «گٷلدەر» مەملەكەتتٸك انسامبلٸنٸڭ باس ديريجەرٸ, «وتان» رەسپۋبليكالىق ساياسي پارتيياسىنىڭ ورتالىق اپپاراتى يدەولوگييا بٶلٸمٸ مەڭگەرۋشٸسٸنٸڭ ورىنباسارى بولدى. «گٷلدەر» مەملەكەتتٸك انسامبلٸنٸڭ ديرەكتورى, «قازاق ەۋەندەرٸ» اق ايماقتىق ديرەكتورى, ت.جٷرگەنوۆ اتىنداعى قازاق ۇلتتىق ٶنەر اكادەميياسىنىڭ شىعارماشىلىق جۇمىستار جەنە سىرتقى بايلانىستار جٶنٸندەگٸ پرورەكتورى, رمقك «ج.ەلەبەكوۆ اتىنداعى رەسپۋبليكالىق ەسترادا-تسيرك كوللەدجٸ» ديرەكتورى بولىپ قىزمەت اتقاردى. 2016 جىلدىڭ ماۋسىم ايىنان باستاپ جامبىل اتىنداعى قازاق مەملەكەتتٸك فيلارمونيياسىنىڭ ديرەكتورى قىزمەتٸن اتقاردى.
