Ashat Maemirov «Qazaqkontsert» Memlekettik kontsert uiymy direktorynyń mindetin atqarýshy bolyp taǵaiyndaldy, dep habarlaidy "Ult aqparat" ministrliktiń baspasóz qyzmetine silteme jasap.
Aityp ketý kerek, «Qazaqkontsert» Memlekettik kontsert uiymy – Almaty qalasynda 1960 jyldary qurylǵan Qazaqstandaǵy eń iri mýzykalyq uiymdardyń biri. Óziniń bai tarihynyń alǵashqy kúnderinen-aq «Qazaqkontsert» qazaqstandyq mádeniettiń kósh basynda boldy. Bul jerde elimizdiń úzdik ártisteri men shyǵarmashylyq ujymdary bas qosqan. «Qazaqkontserttiń» keshteri aýqymdy kórermen aýditoriiasyn jinaidy, al baǵdarlamalary janrlyq san-alýandylyq pen oryndaýshylardyń joǵary kásibiligimen erekshelendi.
«Qazaqkontsertte» barlyq janrlar usynylǵan: halyq óneri, klassika, estrada. Shyǵarmashylyq quramǵa folklorlyq-etnografiialyq ansambl, «Akademiia solistov» memlekettik kameralyq orkestri, «Astana Musical» teatry, estradalyq jáne operalyq ánshiler kiredi.
Búgingi tańda «Qazaqkontsert» kórekti Astanamen óziniń jańa belesterin bailanystyra otyryp, aty ańyzǵa ainalǵan uiymnyń dańqty tarihyn jalǵastyryp keledi.
Ashat Maksimuly Maemirov – teatr óneriniń magistri, dotsent, filosofiia ǵylymdarynyń doktory (PhD) – T. Júrgenov atyndaǵy Qazaq ulttyq óner akademiiasyn drama teatr rejisseri mamandyǵy boiynsha aiaqtaǵan. «Bolashaq» Prezident stipendiiasynyń iegeri. 2008 jyly Frantsiianyń tanymal Université Sorbonne Nouvelle Paris 3 ýniversitetinde bilim alyp, Drama óneriniń Parij ulttyq konservatoriiasynda taǵylymdamadan ótken bolatyn. 2010 jyly Resei teatr óneri akademiiasynda (GITIS) teatr óneri magistri dárejesin aiaqtap shyqty.
Túrli jyldary Ashat Maksimuly Batys Qazaqstan oblystyq halyq shyǵarmashylyǵy ortalyǵynyń bas rejissery, M. Ótemisov atyndaǵy Batys Qazaqstan Memlekettik ýniversiteti «Rejissýra, horeografiia jáne KDR» kafedrasynyń oqytýshysy, Qurmanǵazy atyndaǵy Oral mýzykalyq kolledjiniń «Akterlyq óner» bóliminiń meńgerýshisi, Batys Qazaqstan oblystyq qazaq drama teatrynyń rejisseri, T. Júrgenov atyndaǵy QazUÓA «Teatrlyq óner» fakýltetiniń dekany, «Qazaqstannyń rýhani damý qory» AQ-nyń vitse-prezidenti, sondai-aq «Qazaq áýenderi» AQ-nyń prezidenti retinde qyzmet atqardy. 2014 jyldan bastap osy kúnge deiin T. Júrgenov atyndaǵy QazUÓA «Akterlik sheberlik jáne rejissýra» kafedrasynyń dotsenti.
