Foto: QR Mádeniet jáne aqparat ministrligi
Roza Baǵlanova atyndaǵy «Qazaqkontsert» memleketti akademiialyq kontserttik uiymy «Gúlder» ansambliniń ónerpazdary Grýziiada ótken halyqaralyq horeografiialyq festival-baiqaýyna qatysyp, júldeli oryndardy ielendi, dep habarlaidy Ult.kz QR Mádeniet jáne aqparat ministrliginiń baspasóz qyzmetine silteme jasap.
Horeograf Djordj Balanchinge arnalǵan bul baiqaý 8-10 qarasha aralyǵynda Kýtaiside ótti. Oǵan Qazaqstan, Latviia, Grýziia, Estoniia balet mektepteriniń ókilderi qatysty.
Bedeldi óner dodasynda «Gúlder» ansambliniń birqatar talantty ártisteri baq synap, «Halyq bii» jáne «Qazirgi zamanǵy horeografiia» nominatsiialarynda qazaqstandyq horeograftardyń qoiǵan nómirlerin usyndy.
Ansambl músheleri qazaq horeografiiasynyń sulýlyǵy men tereńdigin álemdik sahnada tanyta otyryp, Qazaqstannyń mádenietin joǵary dárejede kórsete aldy. Ártisterdiń kásibi sheberligin qazylar alqasy joǵary baǵalady.
Aqqanat Smaǵulova, Ánel Jumadildina jáne Rústem Ámirbekov úsh birdei birinshi oryndy jeńip aldy. Al, ekinshi oryndy Alan Muhtar ielendi.
Baiqaýǵa ónerpazdardy «Gúlder» ansambliniń bas baletmeisteri Anvara Sadyqova men Alila Alisheva, Gúlnara Saitova, Almat Shamshiev, Ásel Abakaeva, Ámina Samarbaeva, Aidar Ahmadiev jáne Dana Qýanyshbekova siiaqty tájiribeli pedagog-horeograftar daiyndap, jetekshilik etti. Qazaq halqynyń ulttyq ereksheligin aishyqtaityn sahnalyq kostiýmderdi Ásel Luqpanova men Natalia Protasova daiyndady.
Djordjo Balanchinniń esimi álemdik balet óneriniń tarihynda altyn árippen jazylǵanyn eskersek, baiqaýda joǵary marapattarǵa ie bolý — elimiz úshin úlken mártebe.
