Foto: QR MAM
2025 jyldyń 7 qyrkúieginde Astanada Roza Baǵlanova atyndaǵy «Qazaqkontsert» memlekettik akademiialyq kontserttik uiymy 65-shi kontsert maýsymynyń shymyldyǵyn túrdi, dep habarlaidy Ult.kz.
Saltanatty keshte otandyq estrada juldyzdary, sahna sheberleri men jas talanttar bas qosyp, túrli mýzykalyq stilder men janrlardy qamtyǵan baǵdarlamany usyndy. Kórermender ulttyq jáne álemdik operadan popýrri, halyq ánderi, otandyq kompozitorlardyń shyǵarmalary, zamanaýi hitter men horeografiialyq qoiylymdardy tamashalady.
Merekelik keshke Qazaqstannyń halyq ártisi Aiman Musahadjaeva, eńbek sińirgen qairatkerler, halyqaralyq baiqaýlardyń jeńimpazdary, «Astana sazy» folklorlyq ansambli, simfoniialyq orkestr, «FORTE TRIO», «SAZ&SOUL» jáne basqa da shyǵarmashylyq ujymdar qatysty.
Jańa maýsymda «Qazaqkontsert» ulttyq murany dáripteitin jobalar, zamanaýi estradanyń úzdik týyndylary, jańa premeralar men jas oryndaýshylardyń tyń qyrlaryn tanytatyn qoiylymdardy usynbaq.
