7 qyrkúiekte, 18.00-de Roza Baǵlanova atyndaǵy «Qazaqkontsert» memlekettik akademiialyq kontserttik uiymy QR Mádeniet jáne aqparat ministrliginiń qoldaýymen 65-kontserttik maýsymynyń saltanatty ashylýyn ótkizedi, dep habarlaidy Ult.kz «Qazaqkontsert» memlekettik akademiialyq kontserttik uiymyna silteme jasap.
Mereili maýsym aiasynda ónersúier qaýymǵa jol tartatyn shyǵarmashylyq baǵyttar men jańashyl jobalar erekshe. Kontserttik baǵdarlamada otandyq estrada juldyzdary, tanymal sahna sheberleri men jas talanttar bas qosyp, tańǵajaiyp mýzykalyq shoý usynady. Kórermender túrli mýzykalyq stilder men janrlardy qamtityn keń aýqymdy baǵdarlamalardy tamashalai alady. Olardyń qatarynda kóńil kóterýge arnalǵan zamanaýi jobalar, ulttyq mýzykalyq murany dáripteitin qoiylymdar, jandy oryndaýda shyrqalatyn ánder, zamanaýi estradanyń úzdik týyndylary, vokaldyq jáne horeografiialyq kompozitsiialar, premeralyq qoiylymdar, jandy dýetter, jańa tolqyn ónerpazdarynyń oryndaýyndaǵy kreativti sheshimder men álemdik mýzyka elementteri bar.
Al 65-kontserttik maýsymnyń saltanatty ashylýynda qazaq estradasynyń altyn qoryna engen úzdik týyndylar zamanaýi aranjirovkalarmen jańasha árlenip, tyńdarman nazaryna usynylady. Sondai-aq, kesh baǵdarlamasyna ulttyq jáne álemdik opera, halyq ánderinen popýrri, otandyq kompozitorlardyń týyndylary, horeografiialyq kompozitsiialar, búgingi kúnniń eń tanymal ánderi men mýzykalyq janrlardy qamtityn erekshe nómirler endi.
Is-sharaǵa Qazaqstannyń Halyq ártisi Aiman Musahadjaeva, Qazaqstannyń eńbek sińirgen qairatkerleri Qurmash Mahan, Gúlsim Myrzabekova, Bibigúl Januzaq, Aizat Qarabek, Saltanat Ahmetova, «Qurmet» ordeniniń iegeri Aizada Kaponova, «Eren eńbegi úshin» medaliniń iegeri Baýyrjan Isaev, «Daryn» memlekettik jastar syilyǵynyń laýreattary Alibek Almadiev, Ádilhan Makin, Aiaýlym Qamajan, Mádeniet salasynyń úzdigi Perizat Turarova, respýblikalyq jáne halyqaralyq baiqaýlardyń laýreattary Ibrahim Amin, Janna Sandybaeva, Dáriia Bekpenbet, Nursultan Ánýarbek, Jaslan Kárim, Sultan Ahmet, Aqbópe Álibekova, Jibek Saparǵalieva, «Gúlder» jáne «Birlik» ansamblderiniń baleti, «Astana sazy» qazaq memlekettik folklorlyq ansambli, Qazaq memlekettik simfoniialyq orkestri, «SAZ&SOUL» vokaldy-instrýmentaldy ansambli, «FORTE TRIO» memlekettik triosy, «Halyq qazynasy» ulttyq óner ortalyǵy jáne «Astana miýzikl» memlekettik miýzikl teatry qatysady.
