Foto: Qazaqstan.tv
Ózbekstannyń astanasy Tashkent qalasynda qazaqsha jazylyp, eldegi qazaq qandastarymyzdyń tynys-tirshiligi týraly aqparat taratatyn “Nurly jol” gazetine biyl 33 jyl toldy. Gazettiń basty maqsaty qazaqtardyń tynys-tirshiligin, mádenietin bilikpen bailanysyn nyǵaitý dep otyr gazettiń bas redaktory.
Ózbekstannyń táýelsizdigimen túidei qurdas “Nurly jol” alǵashynda “Dostyq týy” atymen (1991 j) jaryq kórgen. Osy ýaqyt aralyǵynda basylym Ózbekstandaǵy qazaqtardyń kózaiymyna ainalyp úlgergen. Gazet qazir 5000 myńnan astam taralymmen Tashkentte basylyp, Ózbekstannyń eń shetki aýyldarynda ómir súretin qazaqtardyń qolyna da jetedi.
Gazette saiasi-áleýmettik, máselelerdi qamtityn materialdar men qosa ádebietke de nazar aýdarylyp, eldegi jas talanttardyń shyǵarmalary da jaryq kóredi. Bilik pen halyq arasynda altyn kópir bolyp, bailanystyratyn gazet ujymy bilikti mamandardan quralǵan. Arasynda Qazaqstannyń joǵary oqý ornyn bitirgen tilshiler de bar. Baspanyń ujymynda Ózbekstannyń bedeldi saiysyna qatysyp jeńipaz atanǵandary da kópshilik. Mysaly gazet tilshisi Rústem Tólenov 2023 jyly “Oltin qalam” ulttyq syilyǵyn jeńip alǵan.
“Oltin qalam” bul Ózbekstanda jýrnalistika salasynda qyzmet etetin tilshiler úshin eń mańyzdy marapat. Aýdarmasy Altyn qalam ǵoi negizi. Jeńimpaz atanǵanda tóbemiz kókke jetti. Qazaq baspasózi, qazaq jýrnalisteri arasynda da qalamy altyn, jazary kóp jýrnalister bar ekenin dáleldedik dep oilaimyn”-deidi Rýstem Tólenov.
Nurly jol gazetiniń qazirgi tańda Qazaqstanmen bailanysy tyǵyz. Elimizdegi birqatar basylymdarmen pikir almasyp, olardyń tanymal maqalasyn Ózbekstandaǵy oqyrmandarǵa da usynyp keledi. Baspanyń bas redaktory Ǵulamzákir Júsipov 10 jyldan astam ýaqyt aralyǵynda gazetti basqaryp keledi. Birqatar shákirt tárbielegen ardaqty ustaz ataǵyna ie.
“Qazir úkimet tarapynan qoldaý bar, tyńdaý men túsinik bar. Osyny paidalanyp, tilshiler qoǵamda birqatar máselelerdi sheshýge at salysýda. Qazaqsha aqparat taratyp, eldegi qandastardy jańalyqtardan habardar etýde. Qazaqstanmen tyǵyz bailanystamyz. Mysaly oqyrmandar kórsin, bilsin qazaqsha oqysyn degen maqsatta Egemen Qazaqstan gazetindegi tushymdy materiialdardy ózimizde jariialaimyz. ”-deidi, gazetiń bas redaktory Ǵulamzárik Júsipov.
Daiyndaǵan: Bekbolat MUHTAROV
