فوتو: Qazaqstan.tv
ٶزبەكستاننىڭ استاناسى تاشكەنت قالاسىندا قازاقشا جازىلىپ, ەلدەگٸ قازاق قانداستارىمىزدىڭ تىنىس-تٸرشٸلٸگٸ تۋرالى اقپارات تاراتاتىن “نۇرلى جول” گازەتٸنە بيىل 33 جىل تولدى. گازەتتٸڭ باستى ماقساتى قازاقتاردىڭ تىنىس-تٸرشٸلٸگٸن, مەدەنيەتٸن بيلٸكپەن بايلانىسىن نىعايتۋ دەپ وتىر گازەتتٸڭ باس رەداكتورى.
ٶزبەكستاننىڭ تەۋەلسٸزدٸگٸمەن تٷيدەي قۇرداس “نۇرلى جول” العاشىندا “دوستىق تۋى” اتىمەن (1991 ج) جارىق كٶرگەن. وسى ۋاقىت ارالىعىندا باسىلىم ٶزبەكستانداعى قازاقتاردىڭ كٶزايىمىنا اينالىپ ٷلگەرگەن. گازەت قازٸر 5000 مىڭنان استام تارالىممەن تاشكەنتتە باسىلىپ, ٶزبەكستاننىڭ ەڭ شەتكٸ اۋىلدارىندا ٶمٸر سٷرەتٸن قازاقتاردىڭ قولىنا دا جەتەدٸ.
گازەتتە ساياسي-ەلەۋمەتتٸك, مەسەلەلەردٸ قامتيتىن ماتەريالدار مەن قوسا ەدەبيەتكە دە نازار اۋدارىلىپ, ەلدەگٸ جاس تالانتتاردىڭ شىعارمالارى دا جارىق كٶرەدٸ. بيلٸك پەن حالىق اراسىندا التىن كٶپٸر بولىپ, بايلانىستىراتىن گازەت ۇجىمى بٸلٸكتٸ مامانداردان قۇرالعان. اراسىندا قازاقستاننىڭ جوعارى وقۋ ورنىن بٸتٸرگەن تٸلشٸلەر دە بار. باسپانىڭ ۇجىمىندا ٶزبەكستاننىڭ بەدەلدٸ سايىسىنا قاتىسىپ جەڭٸپاز اتانعاندارى دا كٶپشٸلٸك. مىسالى گازەت تٸلشٸسٸ رٷستەم تٶلەنوۆ 2023 جىلى “Oltin qalam” ۇلتتىق سىيلىعىن جەڭٸپ العان.
“Oltin qalam” بۇل ٶزبەكستاندا جۋرناليستيكا سالاسىندا قىزمەت ەتەتٸن تٸلشٸلەر ٷشٸن ەڭ ماڭىزدى ماراپات. اۋدارماسى التىن قالام عوي نەگٸزٸ. جەڭٸمپاز اتانعاندا تٶبەمٸز كٶككە جەتتٸ. قازاق باسپاسٶزٸ, قازاق جۋرناليستەرٸ اراسىندا دا قالامى التىن, جازارى كٶپ جۋرناليستەر بار ەكەنٸن دەلەلدەدٸك دەپ ويلايمىن”-دەيدٸ رۋستەم تٶلەنوۆ.
نۇرلى جول گازەتٸنٸڭ قازٸرگٸ تاڭدا قازاقستانمەن بايلانىسى تىعىز. ەلٸمٸزدەگٸ بٸرقاتار باسىلىمدارمەن پٸكٸر الماسىپ, ولاردىڭ تانىمال ماقالاسىن ٶزبەكستانداعى وقىرماندارعا دا ۇسىنىپ كەلەدٸ. باسپانىڭ باس رەداكتورى عۇلامزەكٸر جٷسٸپوۆ 10 جىلدان استام ۋاقىت ارالىعىندا گازەتتٸ باسقارىپ كەلەدٸ. بٸرقاتار شەكٸرت تەربيەلەگەن ارداقتى ۇستاز اتاعىنا يە.
“قازٸر ٷكٸمەت تاراپىنان قولداۋ بار, تىڭداۋ مەن تٷسٸنٸك بار. وسىنى پايدالانىپ, تٸلشٸلەر قوعامدا بٸرقاتار مەسەلەلەردٸ شەشۋگە ات سالىسۋدا. قازاقشا اقپارات تاراتىپ, ەلدەگٸ قانداستاردى جاڭالىقتاردان حاباردار ەتۋدە. قازاقستانمەن تىعىز بايلانىستامىز. مىسالى وقىرماندار كٶرسٸن, بٸلسٸن قازاقشا وقىسىن دەگەن ماقساتتا ەگەمەن قازاقستان گازەتٸندەگٸ تۇششىمدى ماتەرييالداردى ٶزٸمٸزدە جارييالايمىز. ”-دەيدٸ, گازەتٸڭ باس رەداكتورى عۇلامزەرٸك جٷسٸپوۆ.
دايىنداعان: بەكبولات مۇحتاروۆ
