Túrkiianyń Ystanbul qalasynda QMDB Tóraǵasy, Bas múfti Naýryzbai qajy Taǵanuly men Marmara ýniversitetiniń rektory, professor Mustafa Kýrt eki jaqty ǵylymi jáne mádeni yntymaqtastyq týraly memorandýmǵa qol qoidy, dep habarlaidy QazAqparat.
Atalǵan kelisim Qazaqstan men Túrkiia Respýblikasy arasyndaǵy dostyq qarym-qatynasty negizge ala otyryp, Qazaqstan musylmandary dini basqarmasy men Marmara ýniversiteti arasyndaǵy dostyq pen yntymaqtastyqty arttyrý jáne dini bilim berý salasynda jan-jaqty qoldaý kórsetýge baǵyttalǵan.
«Kelisim aiasynda QMDB dini bilim alýǵa nietti qazaqstandyq talapkerlerdi Marmara ýniversitetine joldai alady. Elimizdegi Nur-Múbarak Mysyr islam mádenieti ýniversitetiniń oqytýshylary men Marmara ýniversitetiniń oqytýshylar quramy arasynda ózara tájiribe almasý maqsatynda kezdesýler men kýrstar uiymdastyrý kózdeledi. Dárister men seminarlar uiymdastyrý úshin bilikti din ǵalymdarymen tájiribe almasý da osy kelisim aiasynda júzege asady. Atalǵan memorandým qol qoiylǵan kúnnen bastap 5 jylǵa deiin kúshinde bolady», - dep málim etti QMDB baspasóz qyzmetinen.
Ekijaqty kezdesý barysynda taraptar dini bilimnen bólek áleýmettik pánderdi de damytý týrasynda kelisimge keldi. Búginde bul ýniversitette 124 qazaqstandyq shákirt bilim alýda. Al jalpy alǵanda oqý ordasynda 80 myń stýdent bar.
