تٷركييانىڭ ىستانبۇل قالاسىندا قمدب تٶراعاسى, باس مٷفتي ناۋرىزباي قاجى تاعانۇلى مەن مارمارا ۋنيۆەرسيتەتٸنٸڭ رەكتورى, پروفەسسور مۇستافا كۋرت ەكٸ جاقتى عىلىمي جەنە مەدەني ىنتىماقتاستىق تۋرالى مەموراندۋمعا قول قويدى, دەپ حابارلايدى قازاقپارات.
اتالعان كەلٸسٸم قازاقستان مەن تٷركييا رەسپۋبليكاسى اراسىنداعى دوستىق قارىم-قاتىناستى نەگٸزگە الا وتىرىپ, قازاقستان مۇسىلماندارى دٸني باسقارماسى مەن مارمارا ۋنيۆەرسيتەتٸ اراسىنداعى دوستىق پەن ىنتىماقتاستىقتى ارتتىرۋ جەنە دٸني بٸلٸم بەرۋ سالاسىندا جان-جاقتى قولداۋ كٶرسەتۋگە باعىتتالعان.
«كەلٸسٸم اياسىندا قمدب دٸني بٸلٸم الۋعا نيەتتٸ قازاقستاندىق تالاپكەرلەردٸ مارمارا ۋنيۆەرسيتەتٸنە جولداي الادى. ەلٸمٸزدەگٸ نۇر-مٷباراك مىسىر يسلام مەدەنيەتٸ ۋنيۆەرسيتەتٸنٸڭ وقىتۋشىلارى مەن مارمارا ۋنيۆەرسيتەتٸنٸڭ وقىتۋشىلار قۇرامى اراسىندا ٶزارا تەجٸريبە الماسۋ ماقساتىندا كەزدەسۋلەر مەن كۋرستار ۇيىمداستىرۋ كٶزدەلەدٸ. دەرٸستەر مەن سەمينارلار ۇيىمداستىرۋ ٷشٸن بٸلٸكتٸ دٸن عالىمدارىمەن تەجٸريبە الماسۋ دا وسى كەلٸسٸم اياسىندا جٷزەگە اسادى. اتالعان مەموراندۋم قول قويىلعان كٷننەن باستاپ 5 جىلعا دەيٸن كٷشٸندە بولادى», - دەپ مەلٸم ەتتٸ قمدب باسپاسٶز قىزمەتٸنەن.
ەكٸجاقتى كەزدەسۋ بارىسىندا تاراپتار دٸني بٸلٸمنەن بٶلەك ەلەۋمەتتٸك پەندەردٸ دە دامىتۋ تۋراسىندا كەلٸسٸمگە كەلدٸ. بٷگٸندە بۇل ۋنيۆەرسيتەتتە 124 قازاقستاندىق شەكٸرت بٸلٸم الۋدا. ال جالپى العاندا وقۋ ورداسىندا 80 مىڭ ستۋدەنت بار.
