Almatydaǵy memlekettik qýyrshaq teatrynda Shámshi Qaldaiaqovtyń týǵanyna 90 jyl tolýyna orai «Ómir – ózen» atty jańa mýzykalyq qoiylymynyń premerasy ótti, dep habarlaidy "Ult aqparat".
Almaty Memlekettik qýyrshaq teatrynyń sahnasynda qazaq valsiniń koroli Shámshi Qaldaiaqovtyń 90 jyldyq mereitoiyna orai syrly sazgerdiń án qazynasyna saiahat jasaityn «Ómir - ózen» teatrlandyrylǵan mýzykalyq qoiylymy qalyń kórermenge jol tartty.
Atalmysh týyndynyń rejisseri Erkebulan Qabdyl ulttyq qundylyqtarǵa toly uly sazger ánderin qýyrshaq teatr keńistiginde tuńǵysh ret usynyp otyrǵanyn jetkizdi.
«Spektakldi tamashalaýǵa kelgen kórermender ártúrli taqyrypta jazylǵan Shámshi ánderiniń tereńine boilai túsedi. Shámshiniń ánderi ár qazaqtyń tórinde shyrqalyp, halyqpen birge jasap keledi. Sondyqtan da bizdiń spektaklimizge kelgen kórermender uly sazgerdiń qudiretti ánderimen taǵy da bir ret qaýyshyp, án áleminde júzdi. Ásirese, jastar úshin tárbielik mańyzy zor. Olar halqymyzdyń jaryq juldyzyna ainalǵan Sh.Qaldaiaqovtyń án álemine qulash uryp, onyń shyǵarmashylyǵyna bailanysty az da bolsa málimet aldy»,– deidi rejisser Erkebulan Qabdyl.
«Ómir - ózen» qoiylymy belgili bir oqiǵaǵa baǵyndyrylyp, kompozitsiialyq tutastyqqa negizdeldi. Árbir ánniń týý tarihy spektakl keiipkerleriniń basynan ótip jatqan mańyzdy oqiǵalarmen bailanysyp, kórermenderdiń qyzyǵýshylyǵyn arttyra tústi.
Aita keteiik, teatrda barlyq sanitarlyq talap oryndaldy. Kórermender maska taǵyp, áleýmettik araqashyqtyqty saqtady.
