Foto: QR Mádeniet jáne aqparat ministrliginiń baspasóz qyzmeti
2024 jylǵy 6-12 qazan aralyǵynda Qazaq ulttyq horeografiia akademiiasynda Yoshiko Takagi Ballet School oqýshylaryna arnalǵan kúzgi mektep ótýde. Japon qonaqtarynyń sapary mádeni almasýdy damytý jáne horeografiialyq óner salasyndaǵy halyqaralyq yntymaqtastyqty nyǵaitý úshin mańyzdy oqiǵa boldy, dep habarlaidy Ult.kz.
Quramy 23 oqýshy jáne 2 oqytýshydan turatyn top Akademiia bazasynda ótetin birqatar sheberlik sabaqtaryna qatysady. Japon stýdentteri klassikalyq jáne halyqtyq-sahnalyq bi boiynsha, sondai-aq Akademiianyń jetekshi pedagogtary ótkizetin klassikalyq repertýar murasy boiynsha sheberlik sabaqtaryna qatysady. Qonaqtar úshin mazmundy oqý jáne mádeni baǵdarlama daiyndaldy.
Osyndai bilim berý is-sharalaryn ótkizý Qazaq ulttyq horeografiia akademiiasynyń halyqaralyq mádeni dialog alańy jáne álemdik deńgeidegi kásibi horeografiialyq bilim berý ortalyǵy bolýǵa umtylysyn kórsetedi.
