Foto: kazgazeta.kz
Muhtar Áýezov atyndaǵy qazaq ulttyq drama teatry Bishkekte gastroldik saparda júr. Teatr tarlandarynyń alǵashqy spektaklinde zal kórermenge lyq toldy. Alda 3 qoiylym bar, dep habarlaidy Ult.kz 24kz-ke silteme jasap.
2026 jyly Muhtar Áýezov atyndaǵy qazaq ulttyq drama teatryna 100 jyl tolady. Mereitoi qarsańynda óner ujymy Jetisý oblysynan úlken saparyn bastap, Ózbekstanǵa bardy. Tashkentte, sosyn Qaraqalpaqstanda bolǵan. Qazir Qyrǵyzstanda júr. Munda 4 kún bolmaq. Spektaklder Toqtobolot Ábdimomýnov atyndaǵy Qyrǵyz ulttyq akademiialyq-drama teatrynda kórsetiledi.
Almaz Shaiahmetov, Muhtar Áýezov atyndaǵy Qazaq ulttyq drama teatrynyń akteri:
"Máńgilik bala beine", "Qoshtasqym kelmeidi", "Qorqyttyń kóri" syndy spektaklderimiz sahnalanady. Osy qyrǵyz elinde Bishkek qalasynda teatrymyzdyń. Endi bul roldiń ereksheligi jalpy Tólegenniń róli óte elin oilaǵan, jerin oilaǵan, Qyz Jibekke degen mahabbatymen, mahabattyń simvoly deimiz ǵoi bylai aitqan kezde.
Qyrǵyz kórermeniniń nazaryna berisi qazaq, arysy álemdik dramatýrgiianyń jaýharlary - "Qyz jibek", "Qoshtasqym kelmeidi" jáne basqa spektaklder usynylady. Olarda Qazaqstannyń Halyq ártisi Dýlyǵa Aqmolda, Qazaqstannyń Eńbek sińirgen qairatkerleri Bolat Ábdilmanov, Shynar Asqarova jáne Jalǵas Tolǵanbai, sondai-aq qalyń kórermenge keńinen tanylyp úlgergen jas talanttar oinaidy.
Jýasbek Erkin, Muhtar Áýezov atyndaǵy Qazaq ulttyq drama teatrynyń direktory: "Mine ózińiz kórip tursyz, kórermen zaly lyq toly. Shyn mánindegi eki eldiń arasyndaǵy mádeni bailanys, burynnan qalyptasqan, biz sony ári qarai jalǵastyryp jatyrmyz. Qazirgi tańda osy Bishkektegi Qazaqstan elshiliginiń arqasynda, osy jerdegi teatrlardyń, Mádeniet ministrliginiń qoldaýymen gastrolimiz óte jaqsy ótedi degen oidamyz."
Gastrolge 50 akter men 20 tehnikalyq qyzmetker shyqqan. "Qyz Jibek" spektakli kezinde zalda ine shanshar oryn bolmady. Óner saparynyń basty qoldaýshysy - elimizdiń Mádeniet jáne aqparat minitrligi.
