Qazaq-túrik litseiiniń oqytýshylary qandai jaǵdaida Qazaqstannan pana ala alatyny belgili boldy. Bul týraly QR Bas prokýrorynyń orynbasary Marat Ahmetjanov aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Ázirshe Túrkiia azamattaryn berý týraly ótinish túsken joq. Al adam Qazaqastanda pana tabýy úshin sebep salmaqty bolý kerek, mysaly otanynda násildik, etnikalyq nemese saiasi kózqarasy úshine qýdalaýda bolýy. Azamattyq beretin ókiletti organ bar, azamattyq berilýi úshin birqatar shart oryndalýy tiis. Kóshi-qon politsitsiasy ótinishti qabyldamasa, olar sot nemese basqa organdarǵa aryzdana alady", - deidi Ahmetjanov Senat otyrysynan tys.
Ahmetjanov ázirshe qazaq-túrik litseiiniń oqytýshylary otany Túrkiiaǵa berilý-berilmeýin naqty aita almaitynyn atap ótti.
"Árbir jaǵdaida qos tarap kelissóz ótkizedi. Suranys bergen tarap óz azamattarynyń is-áreketi óz elinde de, bizde de qylmys bolyp keletinin dáleldeýi qajet", - dep túsindirdi Ahmetjanov.
Munyń aldynda Pavlodardaǵy qazaq-túrik litseiiniń eki oqytýshysy Demirel Osman jáne Altyntash Isa eline qaitýdan qorqyp, Qazaqstan prezidenti Nursultan Nazarbaevtan bassaýǵa suraǵany habarlanǵan edi.
