Foto:dingek.kz
Ashyq NQA portalynda "Qazaq tiliniń Ulttyq korpýsyn qalyptastyrý jáne júrgizý qaǵidalaryn bekitý týraly" Qazaqstan Respýblikasy Ǵylym jáne joǵary bilim ministri buiryǵynyń jobasy jariialandy.
Qaǵida qazaq tili men lingvistika salasyndaǵy ǵylymi, bilim berý jáne praktikalyq zertteýler júrgizýge negiz bolatyn Qazaq tiliniń ulttyq korpýsyn qurý, tolyqtyrý, óńdeý, saqtaý jáne paidalanýǵa qoiylatyn jalpy talaptar men rásimderdi belgileidi.
Korpýs tildegi ózgerister men ártúrli salalardaǵy ózekti jetistikterdi kórsetetin jańa materialdardyń engizilýi arqyly úzdiksiz jańartylady, sonymen birge tildegi ózgeristerdiń, jańa tendentsiialardyń, sondai-aq jańa janrlardyń, stilder men baǵyttardyń paida bolýy esebinen keńeiedi, bul onyń ózektiligi men tildik innovatsiialarǵa sáikestigine kepildik beredi. Korpýs jalpyǵa qoljetimdi bolady jáne leksikografiialyq jáne grammatikalyq jobalardy, ǵylymi jáne bilim berý materialdaryn ázirleýge, sondai-aq baǵdarlamalyq ónimderdi jasaýǵa negiz bolady, – delingen buiryq jobasynyń baspasóz relizinde.
Eske salaiyq, Qazaq tiliniń ulttyq korpýsy – qazaq tiliniń leksika-grammatikalyq júiesin tolyq qamtyǵan (tereń annotatsiialanǵan) milliondaǵan sózqoldanystan turatyn elektrondy pishindegi kólemdi mátinder jinaǵy, qazaq tili jaily barlyq málimetti jinaqtaýshy "aqyldy", mamandandyrylǵan bilim qory. Jalpy sózqoldanys sany – 65 million. Qazaq tiliniń ulttyq korpýsy qazirgi kezde belgili bir maqsatta arnaiy ázirlengen 16 ishkorpýstan turady.
