Sýret: gov.kz
2025 jyldan bastap memlekettik tildegi kontenttiń úlesin jyl saiyn 5%-ǵa arttyrý kezeń-kezeńmen júzege asyrylady. Bul týraly Mádeniet jáne aqparat ministri Aida Balaeva málim etedi, dep habarlaidy QazAqparat.
«Mass-media» týraly zań jobasy aiasynda teleradioarnalardy memlekettik tilde taratý kólemin 50%-dan 70%-ǵa arttyrý usynyldy. 1999 jyly qoldanysqa engizilgen «BAQ týraly» zańǵa sáikes 50-de 50 edi. 25 jylǵa jýyq ýaqyttan keiin eldegi trendter memlekettik til men otandyq kontentti damytý baǵytynda ózgerdi. Búgingi tańda BAQ-ta memlekettik tilde shyǵarylatyn kontenttiń úlesi 80%-dan asty, - dedi Aida Balaeva ortalyq kommýnikatsiialar qyzmeti alańynda ótken baspasóz máslihatynda.
Ministrdiń aitýynsha, Qazaqstan halqynyń 80% astamy memlekettik tildi meńgergen.
«Atalǵan faktorlardy eskere otyryp, qazaq tilindegi teleradio habarlaryn 70%-ǵa deiin arttyrý týraly sheshim qabyldandy. Al 2025 jyldan bastap jyl saiyn memlekettik tildegi kontentterdiń úlesin 5%-ǵa arttyrý kezeń-kezeńmen júzege asyrylady. Qazir «Mass-media» týraly zań jobasyn Májilistiń jumys toby, shetel sarapshylardy, Qazaqstannyń media qoǵamdastyǵy jáne azamattyq qoǵam ókilderi talqylap jatyr», - deidi ol.
