Búgin elordada ótip jatqan kitap kórmesine barǵan Bilim jáne ǵylym ministri Ashat Aimaǵambetov qazaq tilindegi kitaptar sany kóbeigeni qýantatynyn aitty. Bul týraly ministr óziniń Facebook paraqshasynda jazdy.
«Kórmede ásirese balalar úshin óte qyzyqty, zamanaýi suranysqa ie kitaptar sany artyp keledi.
Biz balalardy kitap oqýǵa baýlý maqsatynda «Oqýǵa qushtar mektep» respýblikalyq jobasyn iske asyryp jatyrmyz. Bul joba sheńberinde mektep kitaphanalaryna ádebi kitaptar satyp alyndy, sondai-aq kitaphanalar jóndeýden ótip, onyń jumys formaty ózgertilip jatyr.
Men ár mektepke barǵanda dál osy jobanyń iske asyrylýyna erekshe kóńil bólemin. Barlyq mektep pen kolledjde bul jumys júieli túrde júrgizilýi kerek»,-dedi ministr.
