بٷگٸن ەلوردادا ٶتٸپ جاتقان كٸتاپ كٶرمەسٸنە بارعان بٸلٸم جەنە عىلىم مينيسترٸ اسحات ايماعامبەتوۆ قازاق تٸلٸندەگٸ كٸتاپتار سانى كٶبەيگەنٸ قۋانتاتىنىن ايتتى. بۇل تۋرالى مينيستر ٶزٸنٸڭ Facebook پاراقشاسىندا جازدى.
«كٶرمەدە ەسٸرەسە بالالار ٷشٸن ٶتە قىزىقتى, زاماناۋي سۇرانىسقا يە كٸتاپتار سانى ارتىپ كەلەدٸ.
بٸز بالالاردى كٸتاپ وقۋعا باۋلۋ ماقساتىندا «وقۋعا قۇشتار مەكتەپ» رەسپۋبليكالىق جوباسىن ٸسكە اسىرىپ جاتىرمىز. بۇل جوبا شەڭبەرٸندە مەكتەپ كٸتاپحانالارىنا ەدەبي كٸتاپتار ساتىپ الىندى, سونداي-اق كٸتاپحانالار جٶندەۋدەن ٶتٸپ, ونىڭ جۇمىس فورماتى ٶزگەرتٸلٸپ جاتىر.
مەن ەر مەكتەپكە بارعاندا دەل وسى جوبانىڭ ٸسكە اسىرىلۋىنا ەرەكشە كٶڭٸل بٶلەمٸن. بارلىق مەكتەپ پەن كوللەدجدە بۇل جۇمىس جٷيەلٸ تٷردە جٷرگٸزٸلۋٸ كەرەك»,-دەدٸ مينيستر.
