Biyl qoǵamdyq-gýmanitarlyq baǵyttaǵy 6 myń terminge saraptama jasalady. Bul jaiynda Senat depýtattarynyń saýalyna berilgen QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Qazaq tiliniń terminologiialyq bazasyn jetildirý boiynsha jumystar júrgizilip jatyr. Jalpy 1971 jyldan beri 31 611 terminge lingvistikalyq saraptama jasalǵan. Biyl qoǵamdyq-gýmanitarlyq baǵyttaǵy 6 myń terminge saraptama jasaý josparlanýda. Jańa terminderdi birizdendirý maqsatynda «Termincom.kz» qyzmet etedi. Maquldaýǵa usynylǵan salalyq terminderdi tek komissiia músheleri ǵana emes, sala mamandary men jalpy jurtshylyq talqylaidy», - dep atap ótedi vitse-premer.
Eraly Toǵjanov qazaq tilin ultaralyq qatynastar tiline ainaldyrý maqsatynda jyl saiyn oqytý kýrstary men túrli baiqaýlar, yntalandyrý is-sharalary uiymdastyrylyp kele jatqanyn aitady.
«Sonymen qatar qazaq tili ulttyq korpýsynyń mátindik bazasyn qurý jumysy qolǵa alyndy. 2021 jyly pýblitsistikalyq mátinderderdiń 2 mln birligine taldaý jasalyp, qazcorpora.kz saityna ornalastyryldy», - delingen Úkimet basshysynyń orynbasarynyń jaýabynda.
