Qazaq tilin úirenýdiń jańa ádistemesi ázirlendi. Biyldan bastap memlekettik tildi bilmeitin mektep oqýshylary atalǵan ádisteme boiynsha til úirenedi, dep habarlaidy QazAqparat tilshisi.
«Búginde qazaq balalarynyń 90 paiyzy mektepte óz tilinde bilim alady. Biyl ulttyq biryńǵai testileýge qatysqan túlekterdiń 76 paiyzy testti qazaq tilinde tapsyrdy. Ol - óte jaqsy kórsetkish. Endi, basa nazar aýdaratyn problemalardyń biri - orys mektepterinde oqityn 500 myńǵa jýyq oqýshy qazaq tilinde sóilemeidi. Iá, ádistemeniń durys emes ekenin jaqsy bilemiz. Degenmen, jańa ádisteme daiyn. Biyl biz ony eksperimenttik negizde sol mektepterge taratamyz», - dedi QR Bilim jáne ǵylym ministri Erlan Saǵadiev búgin Úkimette ótken baspasóz máslihatynda.
Ministrdiń aitýynsha, qazirgi kezde myńnan astam mektep til ustartýdyń jańa ádistemesine tapsyrys berip otyr. Atalǵan júie sátti iske assa, onymen barlyq mektepter jumys isteitin bolady.
«Jańa ádisteme balanyń kommýnikativti qabiletin damytýdy kózdeidi. Ondaida sózderdi jai jattatqyzyp qana qoimai, sóileý arqyly tildi úirenýge bolady. Atalǵan ádistemeni Ahmet Baitursynov pen Shaisultan Shaiahmetov atyndaǵy oqý-ádistemelik ortalyqtary daiyndady», - dep atap kórsetti Saǵadiev.
