Qasym-Jomart Toqaev qoǵamdyq turǵydan sezimtal máselelerdi saiasilandyrý kesirinen keibir elder qasiretti jaǵdaiǵa ushyraǵanyn aitty, - dep habarlaidy "Ult aqparat" Prezidenttiń baspasóz qyzmetine silteme jasap.
"Qazaqstan halqyn uiystyratyn taǵy bir simvol – memlekettik til. Qazaq tili máńgilik memlekettik til tuǵyrynda bolady. Qazaq tiliniń qoldanys aiasyn arttyra berý – memlekettiń mindeti. Bul jumys toqtamaidy, jalǵasa beredi.
Jaqynda men «Óz tiliń – birlik úshin, ózge tilder – tirlik úshin» dep aittym. Jastarymyz kóp til bilgen saiyn básekege qabiletti, bilikti maman bolady. Til, ultaralyq qatynas – ishki turaqtylyqqa yqpal etetin ózara tyǵyz ári mańyzdy faktorlar. Sondyqtan mundai mańyzdy máselelerden saiasi qural jasaýǵa bolmaidy. Osyndai qoǵamdyq turǵydan sezimtal máselelerdi saiasilandyrýdyń kesirinen keibir elder qasiretti jaǵdaiǵa ushyrady. Bul – bizdiń jol emes" - dedi Memleket basshysy Respýblika kúnine orai ótip jatqan memlekettik nagradalar men syilyqtar tapsyrýǵa arnalǵan saltanatty rásimde.
