قاسىم-جومارت توقاەۆ قوعامدىق تۇرعىدان سەزٸمتال مەسەلەلەردٸ ساياسيلاندىرۋ كەسٸرٸنەن كەيبٸر ەلدەر قاسٸرەتتٸ جاعدايعا ۇشىراعانىن ايتتى, - دەپ حابارلايدى "ۇلت اقپارات" پرەزيدەنتتٸڭ باسپاسٶز قىزمەتٸنە سٸلتەمە جاساپ.
"قازاقستان حالقىن ۇيىستىراتىن تاعى بٸر سيمۆول – مەملەكەتتٸك تٸل. قازاق تٸلٸ مەڭگٸلٸك مەملەكەتتٸك تٸل تۇعىرىندا بولادى. قازاق تٸلٸنٸڭ قولدانىس اياسىن ارتتىرا بەرۋ – مەملەكەتتٸڭ مٸندەتٸ. بۇل جۇمىس توقتامايدى, جالعاسا بەرەدٸ.
جاقىندا مەن «ٶز تٸلٸڭ – بٸرلٸك ٷشٸن, ٶزگە تٸلدەر – تٸرلٸك ٷشٸن» دەپ ايتتىم. جاستارىمىز كٶپ تٸل بٸلگەن سايىن بەسەكەگە قابٸلەتتٸ, بٸلٸكتٸ مامان بولادى. تٸل, ۇلتارالىق قاتىناس – ٸشكٸ تۇراقتىلىققا ىقپال ەتەتٸن ٶزارا تىعىز ەرٸ ماڭىزدى فاكتورلار. سوندىقتان مۇنداي ماڭىزدى مەسەلەلەردەن ساياسي قۇرال جاساۋعا بولمايدى. وسىنداي قوعامدىق تۇرعىدان سەزٸمتال مەسەلەلەردٸ ساياسيلاندىرۋدىڭ كەسٸرٸنەن كەيبٸر ەلدەر قاسٸرەتتٸ جاعدايعا ۇشىرادى. بۇل – بٸزدٸڭ جول ەمەس" - دەدٸ مەملەكەت باسشىسى رەسپۋبليكا كٷنٸنە وراي ٶتٸپ جاتقان مەملەكەتتٸك ناگرادالار مەن سىيلىقتار تاپسىرۋعا ارنالعان سالتاناتتى رەسٸمدە.
