Búgin Nur-Sultan qalasyndaǵy «Qazmedia ortalyǵynyń» Kinokontsert zalynda Qazaq radiosynyń 100 jyldyǵyna arnalǵan saltanatty shara ótti, de habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Jiynda Qazaqstan Respýblikasynyń Tuńǵysh Prezidenti – Elbasy N.Á.Nazarbaevtyń jáne Memleket basshysy Q.K.Toqaevtyń quttyqtaý hattary oqyldy.
Aita ketý kerek, biyl Memleket basshysynyń bastamasymen Qazaq radiosy qurylǵan 1 qazan «Radio kúni» datasy retinde belgilenip, búgin alǵash ret atap ótilýde.
Qazaq radiosy ujymyn quttyqtaý hatynda Elbasy halqymyzdyń talaily tarihy men shejiresi efirde qamtylyp, aýmaly-tókpeli kezeńderde el ómirindegi mańyzdy oqiǵalar jurtshylyqqa jedel jetkizilgenin erekshe atap ótti.
«Bir ǵasyr ishinde osy qarashańyraqta eńbek etken maitalman jýrnalister men kórnekti qairatkerler kópshiliktiń ystyq yqylasyna bólenip, óshpes iz qaldyrdy. Áýe tolqynynda kóptegen baǵdarlamalar tól mádenietimizdi nasihattaýǵa, ana tilimizdi dáripteýge, ult sanasyn jańǵyrtýǵa ólsheýsiz úles qosyp, qazaq rýhaniiatynyń altyn qoryn qalyptastyrdy. Qazirgi tańda Qazaq radiosy elimizdegi zaman talabyna sai damyǵan irgeli aqparat quralynyń biri de biregeii. Radio aldaǵy ýaqytta da jaqsylyqtyń jarshysy bolyp, talǵamy biik tyńdarman qaýymdy tanymdyq habarlarmen, taǵylymdy baǵdarlamalarmen qýanta beredi dep senemin», - delingen Elbasy quttyqtaýynda.
Qazaqstan Respýblikasynyń Prezidenti Q.K.Toqaevtyń quttyqtaýynda «Qazaq radiosynyń jylnamasy - halqymyzdyń 100 jylda júrip ótken jolynyń ainasy. Radio alǵash qurylǵan kúnnen bastap el múddesine qyzmet etip keledi. Qazir de Táýelsizdiktiń qadir-qasieti men ulttyq qundylyqtardy jastardyń sanasyna sińirýge súbeli úles qosýda. Táýelsizdigimizdiń 30 jyldyǵyna tuspa-tus kelgen búgingi mereitoidyń oryn bólek. Biyldan bastap 1-shi qazan «Radio kúni» bolyp bekitildi. Munyń ózi bul salanyń aqparat aidynyndaǵy róli erekshe ekenin ańǵartady. Qazaq radiosy keleshekte de maǵynaly ári mazmundy habarlarymen ulttyń jadyn jańǵyrtyp, memleketimizdi nyǵaitýǵa at salysa beredi dep senemin», - delingen.
Saltanatty jiynda QR Aqparat jáne qoǵamdyq damý ministri A. Ǵ. Balaeva Qazaq radiosyn mereitoiymen quttyqtai kele, onyń taralym aýmaǵyn keńeitý maqsatynda shekara mańyndaǵy aýmaqtarda radiohabar taratýdyń memlekettik jelisin damytý jónindegi 2022-2025 jyldarǵa arnalǵan jol kartasy qabyldanyp, konkýrs negizinde Qazaq radiosyna 107 radiojiilik spektri bólingenin aitty.
Onyń naqty mysaly retinde jiyn barysynda ShQO, Tarbaǵatai aýdany, Kókjyra eldi mekeninde jańa radiojiilik iske qosyldy.
Shara barysynda Nur-Sultan jáne Almaty qalalaryndaǵy Qazaq radiosynyń stýdiialarynan sahnaǵa tikelei qosylym jasaldy. Merekelik keshte beinematerialdar men mýzykalyq nómirler qoiyldy. Qazaq radiosynyń «Altyn qorynda» saqtalǵan B. Momyshuly, Q. Qaisenov, M. Áýezov, A. Jubanovtyń úntaspaǵa jazylǵan suhbattarynan úzindiler berildi.
Saltanatty kesh resmi bólim, «Bastaý kezeńi», «Damý dáýiri», «Jańa beles» degen bólimderinen turdy. Ár bólimde Qazaq radiosynyń tarihi hronologiiasy tanystyryldy.
Merekelik sharaǵa ortalyq memlekettik organ basshylary, radio ardagerleri men Qazaq radiosynyń ujymy jáne QR Parlamenti Senaty men Májilisiniń depýtattary, BAQ basshylary, qoǵam qairatkerleri qatysty.
