بٷگٸن نۇر-سۇلتان قالاسىنداعى «قازمەديا ورتالىعىنىڭ» كينوكونتسەرت زالىندا قازاق راديوسىنىڭ 100 جىلدىعىنا ارنالعان سالتاناتتى شارا ٶتتٸ, دە حابارلايدى "ۇلت اقپارات" اقپارات جەنە قوعامدىق دامۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
جيىندا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە.نازارباەۆتىڭ جەنە مەملەكەت باسشىسى ق.ك.توقاەۆتىڭ قۇتتىقتاۋ حاتتارى وقىلدى.
ايتا كەتۋ كەرەك, بيىل مەملەكەت باسشىسىنىڭ باستاماسىمەن قازاق راديوسى قۇرىلعان 1 قازان «راديو كٷنٸ» داتاسى رەتٸندە بەلگٸلەنٸپ, بٷگٸن العاش رەت اتاپ ٶتٸلۋدە.
قازاق راديوسى ۇجىمىن قۇتتىقتاۋ حاتىندا ەلباسى حالقىمىزدىڭ تالايلى تاريحى مەن شەجٸرەسٸ ەفيردە قامتىلىپ, اۋمالى-تٶكپەلٸ كەزەڭدەردە ەل ٶمٸرٸندەگٸ ماڭىزدى وقيعالار جۇرتشىلىققا جەدەل جەتكٸزٸلگەنٸن ەرەكشە اتاپ ٶتتٸ.
«بٸر عاسىر ٸشٸندە وسى قاراشاڭىراقتا ەڭبەك ەتكەن مايتالمان جۋرناليستەر مەن كٶرنەكتٸ قايراتكەرلەر كٶپشٸلٸكتٸڭ ىستىق ىقىلاسىنا بٶلەنٸپ, ٶشپەس ٸز قالدىردى. ەۋە تولقىنىندا كٶپتەگەن باعدارلامالار تٶل مەدەنيەتٸمٸزدٸ ناسيحاتتاۋعا, انا تٸلٸمٸزدٸ دەرٸپتەۋگە, ۇلت ساناسىن جاڭعىرتۋعا ٶلشەۋسٸز ٷلەس قوسىپ, قازاق رۋحانيياتىنىڭ التىن قورىن قالىپتاستىردى. قازٸرگٸ تاڭدا قازاق راديوسى ەلٸمٸزدەگٸ زامان تالابىنا ساي دامىعان ٸرگەلٸ اقپارات قۇرالىنىڭ بٸرٸ دە بٸرەگەيٸ. راديو الداعى ۋاقىتتا دا جاقسىلىقتىڭ جارشىسى بولىپ, تالعامى بيٸك تىڭدارمان قاۋىمدى تانىمدىق حابارلارمەن, تاعىلىمدى باعدارلامالارمەن قۋانتا بەرەدٸ دەپ سەنەمٸن», - دەلٸنگەن ەلباسى قۇتتىقتاۋىندا.
قازاقستان رەسپۋبليكاسىنىڭ پرەزيدەنتٸ ق.ك.توقاەۆتىڭ قۇتتىقتاۋىندا «قازاق راديوسىنىڭ جىلناماسى - حالقىمىزدىڭ 100 جىلدا جٷرٸپ ٶتكەن جولىنىڭ ايناسى. راديو العاش قۇرىلعان كٷننەن باستاپ ەل مٷددەسٸنە قىزمەت ەتٸپ كەلەدٸ. قازٸر دە تەۋەلسٸزدٸكتٸڭ قادٸر-قاسيەتٸ مەن ۇلتتىق قۇندىلىقتاردى جاستاردىڭ ساناسىنا سٸڭٸرۋگە سٷبەلٸ ٷلەس قوسۋدا. تەۋەلسٸزدٸگٸمٸزدٸڭ 30 جىلدىعىنا تۇسپا-تۇس كەلگەن بٷگٸنگٸ مەرەيتويدىڭ ورىن بٶلەك. بيىلدان باستاپ 1-شٸ قازان «راديو كٷنٸ» بولىپ بەكٸتٸلدٸ. مۇنىڭ ٶزٸ بۇل سالانىڭ اقپارات ايدىنىنداعى رٶلٸ ەرەكشە ەكەنٸن اڭعارتادى. قازاق راديوسى كەلەشەكتە دە ماعىنالى ەرٸ مازمۇندى حابارلارىمەن ۇلتتىڭ جادىن جاڭعىرتىپ, مەملەكەتٸمٸزدٸ نىعايتۋعا ات سالىسا بەرەدٸ دەپ سەنەمٸن», - دەلٸنگەن.
سالتاناتتى جيىندا قر اقپارات جەنە قوعامدىق دامۋ مينيسترٸ ا. ع. بالاەۆا قازاق راديوسىن مەرەيتويىمەن قۇتتىقتاي كەلە, ونىڭ تارالىم اۋماعىن كەڭەيتۋ ماقساتىندا شەكارا ماڭىنداعى اۋماقتاردا راديوحابار تاراتۋدىڭ مەملەكەتتٸك جەلٸسٸن دامىتۋ جٶنٸندەگٸ 2022-2025 جىلدارعا ارنالعان جول كارتاسى قابىلدانىپ, كونكۋرس نەگٸزٸندە قازاق راديوسىنا 107 راديوجيٸلٸك سپەكترٸ بٶلٸنگەنٸن ايتتى.
ونىڭ ناقتى مىسالى رەتٸندە جيىن بارىسىندا شقو, تارباعاتاي اۋدانى, كٶكجىرا ەلدٸ مەكەنٸندە جاڭا راديوجيٸلٸك ٸسكە قوسىلدى.
شارا بارىسىندا نۇر-سۇلتان جەنە الماتى قالالارىنداعى قازاق راديوسىنىڭ ستۋدييالارىنان ساحناعا تٸكەلەي قوسىلىم جاسالدى. مەرەكەلٸك كەشتە بەينەماتەريالدار مەن مۋزىكالىق نٶمٸرلەر قويىلدى. قازاق راديوسىنىڭ «التىن قورىندا» ساقتالعان ب. مومىشۇلى, ق. قايسەنوۆ, م. ەۋەزوۆ, ا. جۇبانوۆتىڭ ٷنتاسپاعا جازىلعان سۇحباتتارىنان ٷزٸندٸلەر بەرٸلدٸ.
سالتاناتتى كەش رەسمي بٶلٸم, «باستاۋ كەزەڭٸ», «دامۋ دەۋٸرٸ», «جاڭا بەلەس» دەگەن بٶلٸمدەرٸنەن تۇردى. ەر بٶلٸمدە قازاق راديوسىنىڭ تاريحي حرونولوگيياسى تانىستىرىلدى.
مەرەكەلٸك شاراعا ورتالىق مەملەكەتتٸك ورگان باسشىلارى, راديو ارداگەرلەرٸ مەن قازاق راديوسىنىڭ ۇجىمى جەنە قر پارلامەنتٸ سەناتى مەن مەجٸلٸسٸنٸڭ دەپۋتاتتارى, باق باسشىلارى, قوعام قايراتكەرلەرٸ قاتىستى.
